SUN குழுமத்திலிருந்து வெளிவரும் காலை நாளிதழ்

தூர்வாரியும் துயரம் தீரவில்லை: கழிவுநீரால் கலங்கும் திருமங்கலம் மக்கள்

1/13/2018 10:25:37 AM

திருமங்கலம், ஜன.13: பல லட்ச ரூபாய் செலவில் தூர்வாரப்பட்ட திருமங்கலம் வடகரை கால்வாயில் மீண்டும் கழிவுநீர் கலப்பதால் துர்நாற்றம் வீசுகிறது. இதனால் பொதுமக்கள் அவதிக்குள்ளாகி வருகின்றனர். திருமங்கலம் நகரின் வழியாக முக்கிய ஆறான குண்டாறு செல்கிறது. உசிலம்பட்டி அருகே உள்ள தொட்டபநாயக்கனூரில் துவங்கி திருமங்கலம் வழியாகச் சென்று ராமநாதபுரம் மாவட்ட கமுதி அருகே கடலில் கலக்கிறது. இந்த ஆற்றில் திருமங்கலம் நகரில் பிரிந்து செல்லும் வடகரை கால்வாயும் ஒன்றாகும். திருமங்கலம் நகரின் கழிவுநீர் அனைத்தும் இந்த கால்வாயில் கலக்கிறது.

நகரின் கழிவுநீர் அனைத்தும் இந்த கால்வாயில் சென்று கலப்பதால் வடகரை கால்வாய் முற்றிலும் பொழிவை இழந்து மினி கூவமாகவே காட்சியளித்தது. இந்த நிலையில் கடந்த சில மாதங்களுக்கு முன்பு குண்டாறு இரண்டாம் கட்டமாக தூர்வாரப்பட்டது. அப்போது போது வடகரை கால்வாயையும் தூர்வார வேண்டும் என பொதுமக்கள் வலியுறுத்தினர். வருவாய்த்துறை அமைச்சர் ஆர்பி. உதயகுமாரிடமும் இது குறித்து கோரிக்கைகள் வைக்கப்பட்டன. இதன் எதிரொலியாக கடந்த இரண்டு மாதங்களுக்கு முன் வடகரை கால்வாய் தூர்வாறும் பணி துவங்கியது. பிகேஎன் பெண்கள் மேல்நிலைப்பள்ளியின் அருகே துவங்கிய இந்த பணி தொடர்ந்து நடைபெற்று வருகிறது.

அதே போல் உசிலம்பட்டி ரோட்டிலுள்ள அனுமார் கோயிலின் அருகேயும் தூர்வாரும் பணிகள் நடந்தது. இதற்காக ஜேசிபி இயந்திரம் கால்வாயில் இறங்க வசதியாக இங்கிருந்த ஷெட்டர் இடிந்தது. இதனால் அதனை அகற்றி தூர்வாரும் பணிகள் நடந்தன. பின்னர் தற்காலிகமாக மணல்மூடைகள் கொண்டு ஷெட்டர் இருந்த இடம் மூடப்பட்டது. தூர்வார ஒரு மாதகாலத்தில் நகராட்சி கழிவுநீர் வடகரை கால்வாயில் கலப்பது நிறுத்தப்படாததால், மீண்டும் தூர்வாரிய கால்வாய் கழிவுநீர் கால்வாயாக மாறியது.

கழிவுநீர் அதிகளவில் கலந்து தேங்கி நிற்பதால் வடகரை கால்வாய் மற்றும் குண்டாற்றில் தற்போது ஆகாயத் தாமரை அதிக அளவில் வளர்ந்துள்ளது. அத்துடன் அனுமார் கோயில் அருகே உடைக்கப்பட்ட ஷெட்டர் சரிசெய்யப்படவில்லை. மீண்டும் கழிவுநீர் தேங்கியுள்ளதால் இந்த பகுதியில் கொசுக்களின் கூடாரமாகவே மாறியுள்ளது. இதனால் காய்ச்சல் பரவும் வாய்ப்புகள் அதிகரித்துள்ளதாக சமூக ஆர்வலர்கள் குற்றம் சாட்டியுள்ளனர். எனவே, வடகரை கால்வாயில் பகுதியில் வளர்ந்துள்ள ஆகாயத் தாமரை செடிகளை அகற்றியும், நகரின் கழிவுநீர் தேங்காமலும் உரிய நடவடிக்கை எடுக்கவேண்டும் என திருமங்கலம் நகர மக்கள் வலியுறுத்தியுள்ளனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • thaliland_boyshome

    தாய்லாந்து குகையில் இருந்து மீட்கப்பட்ட 12 சிறுவர்களும் வீடு திரும்பினர்

  • gujaratheavyrain

    குஜராத் மாநிலம் கிர்சோம்நாத் பகுதியில் பலத்தமழை : பொதுமக்கள் பாதிப்பு

  • vintage_car_gurgaon

    பழங்குடிப் பொருட்களிலிருந்து விண்டேஜ் கார்கள் வரை... பல்வேறு வகையான கலைப்பொருட்களை உள்ளடக்கிய குர்கான்!

  • public_trans_venen

    வெனிசுலாவில் அரசு பேருந்துக்கு கடும் கிராக்கி: மக்கள் நாய் வண்டியில் ஏறிச் செல்லும் அவலம்!

  • Manilarainstorm

    பிலிப்பைன்ஸில் கனமழை மற்றும் புயல்: வெள்ளக்காடான மணிலா

படங்கள் வீடியோ கல்வி சினிமா ஜோ‌திட‌ம்