SUN குழுமத்திலிருந்து வெளிவரும் காலை நாளிதழ்

மாநகராட்சி கணக்கில் பணம் இல்லை வங்கியில் செலுத்தப்பட்ட காசோலைகள் திரும்பியது

11/17/2017 10:28:52 AM

சென்னை, நவ.17: மாநகராட்சி வங்கி கணக்கில் பணம் இல்லாததால் சம்பளத்தை பெற வங்கியில் செலுத்தப்பட்ட காசோலை திருப்பியதால் துப்புரவு தொழிலாளர்கள் அதிர்ச்சியடைந்துள்ளனர். பெருநகர சென்னை மாநகராட்சியில் 21 ஆயிரத்திற்கும் மேற்பட்டோர் பணிபுரிந்து வருகின்றனர். சாலை அமைப்பது, பூங்காக்கள் பராமரிப்பு உள்ளிட்ட பணிகள் ஒப்பந்ததாரர்கள் மூலம் மேற்கொள்ளப்பட்டு வருகிறது. நிதி நெருக்கடி காரணமாக பணிகள் முடிக்கப்பட்ட பிறகும் ஒப்பந்ததாரர்களுக்கு பில் தொகை வழங்காமல் ரூ.700 கோடிக்கு மேல் பாக்கி வைக்கப்பட்டுள்ளது.

அதுமட்டுமின்றி, மக்களுக்கு தேவையான அடிப்படை தேவைகளைகூட பூர்த்தி செய்ய முடியாமல் பெருநகர சென்னை மாநகராட்சி தத்தளித்து வருகிறது. இந்த சூழலில், சென்னை மாநகராட்சிக்கு உட்பட்ட 14வது மண்டலம் 189வது வார்டுக்கு உட்பட்ட பள்ளிக்கரணையில் துப்புரவு தொழிலாளியாக 50க்கும் மேற்பட்டோர் பணிபுரிந்து வருகின்றனர். இவர்களுக்கு மாதம்தோறும் 5ம் தேதி ₹10,380 சம்பளம் வழங்க வேண்டும். ஆனால், ஒவ்வொரு மாதமும் காலதாமதமாக வழங்குவதாக குற்றச்சாட்டு இருந்து வருகிறது.

இந்த மாதமும் கடந்த சில நாட்களுக்கு முன்பு தான் தொழிலாளர்களுக்கு சம்பள தொகை செக் வழங்கப்பட்டது. ஆனால், வங்கிகளுக்கு டெபாசிட் செய்தவர்களுக்கு பணம் இல்லை என்று காசோலை திரும்பியுள்ளது. இதனால், அதிர்ச்சியடைந்த தொழிலாளர்கள் அதிகாரிகளிடம் முறையிட்டனர். ஆனால், மாநகராட்சி வங்கி கணக்கில் பணம் இல்லாததால் இன்று வரை சம்பளம் வழங்கவில்லை. இதனால், என்ன செய்வது என்று தெரியாமல் தொழிலாளர்கள் விழிபிதுங்கி நிற்கின்றனர்.

இது குறித்து, செங்கொடி சங்கத்தின் துணை பொது செயலாளர் தேவராஜ் கூறியதாவது: சம்பளம் பெறுவதற்காக வங்கிகளில் காசோலை போட்ட 10 தொழிலாளர்களுக்கு பவுன்ஸ் ஆகிவிட்டது. அதிகாரிகள் அளித்த காசோலையை வங்கிக்கு கொண்டு சென்று கேட்டால் பணம் இல்லை என்று வங்கி ஊழியர்கள் தெரிவிக்கின்றனர். இதனால், பலர் காசோலையை வங்கிகளில் போடாமல் கையிலேயே வைத்துள்ளனர்.

சம்பளம் வராததால் பல தொழிலாளர்கள் வட்டிக்கு பணம் வாங்கி குடும்பத்தை நடத்த வேண்டிய அவல நிலை ஏற்பட்டுள்ளது. தொழிலாளர்களை அதிகாரிகள் வெயில், மழை என்று பாராமல் வேலை வாங்குகின்றனர். ஆனால், அவர்கள் சம்பளம் வழங்குவதில் ஏதாவது பிரச்னை ஏற்பட்டால் மட்டும் எதுவும் நடவடிக்கை எடுக்காமல் தங்களது சம்பந்தம் இல்லாததை போல் அமைதியாக இருந்து விடுகின்றனர். இவ்வாறு அவர் கூறினார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • boataccident_19dead

    பிரான்சன் படகு விபத்தில் உயிரிழந்தவர்களுக்கு மலர் வளையம் வைத்து கண்ணீர் மல்க அஞ்சலி

  • intel_beer_fes

    சர்வதேச பீர் திருவிழா : கலை நிகழ்ச்சிகள், வான வேடிக்கைகள் உடன் 1300 வகையான பீர்கள் விழாவில் அறிமுகம்

  • vintage_transportmuseum11

    விண்டேஜ் ஸ்கூட்டர்கள், கார்கள்,பல்லக்குகள், விமானங்கள் : இந்தியாவின் போக்குவரத்து அருங்காட்சியகம்

  • vietnam_stormpuyal11

    வியட்நாமில் வெப்ப மண்டல புயல் தாக்கியதில் 32 பேர் உயிரிழப்பு ; 20 பேர் மாயம்

  • worldSnailpotti

    இங்கிலாந்தில் நத்தைகளுக்கான உலக சாம்பியன் போட்டி : பொதுமக்கள் கண்டுகளிப்பு

படங்கள் வீடியோ கல்வி சினிமா ஜோ‌திட‌ம்