SUN குழுமத்திலிருந்து வெளிவரும் காலை நாளிதழ்

சுடுகாட்டில் குப்பை கொட்டுவதற்கு எதிர்ப்பு பேரூராட்சி குப்பை வண்டிகளை சிறைபிடித்து மக்கள் போராட்டம்

11/14/2017 10:41:36 AM

தாம்பரம், நவ. 14: சுடுகாட்டில் குப்பை கொட்டுவதற்கு எதிர்ப்பு தெரிவித்து, பேரூராட்சி குப்பை வண்டிகளை பொதுமக்கள் சிறைபிடித்து போராட்டம் நடத்தியதால் பரபரப்பு ஏற்பட்டது.தாம்பரம் அடுத்த மாடம்பாக்கம் பேரூராட்சிக்கு உட்பட்ட பகுதிகளில் இருந்து சேகரிக்கப்படும் குப்பைகளை பேரூராட்சி துப்புரவு ஊழியர்கள், பதுவஞ்சேரி 9, 10, 11 ஆகிய வரர்டுகளுக்கு உட்பட்ட சுடுகாட்டில் கொட்டி வருகின்றனர். இதனால், சுடுகாடு மற்றும் இடுகாடு இடங்கள் முழுவதும் குப்பை கழிவுகள் சூழ்ந்து காணப்படுகிறது.

தற்போது, மழைக்காலம் என்பதால் குப்பை கழிவுகளுடன் தண்ணீர் தேங்கி கடும் துர்நாற்றம் வீசுவதுடன், கொசு உற்பத்தி அதிகமாகி சுற்றுப் பகுதிகளில் உள்ள குடியிருப்புகளில் கொசுத்தொல்லை அதிகரித்துள்ளது. இதனால், பொதுமக்கள் மர்ம காய்ச்சலுக்கு ஆளாகி வருகின்றனர். எனவே, இந்த சுடுகாட்டில் உள்ள குப்பையை அகற்றவும், இங்கு குப்பை கொட்டுவதற்கும் இப்பகுதி மக்கள் எதிர்ப்பு தெரிவித்து வந்தனர். ஆனால், எந்த நடவடிக்கையும் இல்லை.

இந்நிலையில், நேற்று இந்த சுடுகாட்டிற்கு குப்பைகளை கொட்டுவந்த பேரூராட்சி குப்பை வண்டிகளை அப்பகுதி மக்கள் சிறைபிடித்து போராட்டம் நடத்தினர். தகவலறிந்து சேலையூர் காவல் நிலைய போலீசார் சம்பவ இடத்திற்கு வந்து பொதுமக்களிடம் பேச்சுவார்த்தை நடத்தினர். அப்போது, இந்த ஒரு மாதம் வரை மட்டும் இங்கு குப்பைகள் கொட்டப்படும். பின்னர் இங்கிருந்து குப்பைகள் வேறு இடங்களுக்கு மாற்றப்படும் என உறுதி அளித்தனர். இதையடுத்து, அவர்கள் அங்கிருந்து கலைந்து சென்றனர்.

வரன் தேட தமிழ் மேட்ரிமோனி, இன்றே பதிவு - பதிவு இலவசம்!

மேலும் செய்திகள்

Like Us on Facebook Dinkaran Daily News
  • madurai_meenut11

    மதுரை மீனாட்சி அம்மன் சித்திரை திருவிழா: மீனாட்சி அம்மன், சுந்தரேஸ்வரர் பிரியாவிடையுடன் விதி உலா

  • berlin_bomb_war

    இரண்டாம் உலகப்போரில் பயன்படுத்தப்பட்ட சக்திவாய்ந்த வெடிகுண்டு, பெர்லின் நகரில் கண்டுபிடிப்பு!

  • 10schooldata

    10ம் வகுப்பு பொதுதேர்வு நிறைவு எதிரொலி : மாணவர்கள் கலர் தூவி பிரியா நட்பை வெளிப்படுத்தி மகிழ்ந்தனர்

  • governor_palace11

    பெண்களை இழிவுப்படுத்தும் ஹெச்.ராஜா, எஸ்.வி. சேகரை கண்டித்து ஆளுநர் மாளிகை முற்றுகையிட்டு போராட்டம்

  • ANDHIRA_MANILAM11

    ஆந்திராவுக்கு சிறப்பு அந்தஸ்து வழங்க கோரி சந்திரபாபு நாயுடு உண்ணாவிரதம் மாநிலமெங்கும் ஏராளமானோர் பங்கேற்பு

படங்கள் வீடியோ கல்வி சினிமா ஜோ‌திட‌ம்