SUN குழுமத்திலிருந்து வெளிவரும் காலை நாளிதழ்

பள்ளி குழந்தைகளுடன் கலெக்டர் அலுவலகத்தை கிராம மக்கள் முற்றுகை போலீசார் மீது குற்றச்சாட்டு

11/14/2017 9:05:57 AM

மதுரை, நவ.14: போதைப்பொருள் விற்பனைக்கு போலீசார் உடந்தையாக இருப்பதாகவும், அவர்கள் மீது நடவடிக்கை எடுக்கக் கோரி பள்ளிக் குழந்தைகளுடன் கிராம மக்கள் கலெக்டர் அலுவலகத்தை முற்றுகையிட்டனர். மதுரை ஒத்தக்கடை அருகே மலைச்சாமிபுரத்தைச் சேர்ந்தவர் தேவகி. இவர் கஞ்சா வழக்கில் கைது செய்யப்பட்டு சிறையில் அடைக்கப்பட்டுள்ளார்.

இவர் பொய் புகாரின் பேரில் சிறையில் அடைக்கப்பட்டார் எனவும், ஊரில் உள்ள சிலர் திட்டமிட்டு தங்களை மிரட்டி இடத்தை அபகரிக்க முயல்வதாகவும் கூறி, இவரது உறவினர் திவ்யா உட்பட 3 பெண்கள் கடந்த வாரம் கலெக்டர் அலுவலகத்தில் தீக்குளிக்க முயன்றனர்.
இதையடுத்து திவ்யா கொடுத்த புகாரின் பேரில் மலைச்சாமிபுரத்தைச் சேர்ந்த பிரபாகர், நல்லதம்பி, முத்துராஜ், சேகர் உட்பட 6 பேர் மீது ஒத்தக்கடை போலீசார் வழக்குப்பதிவு செய்து நல்லதம்பியை கைது செய்தனர்.

இந்த வழக்கை ரத்து செய்ய வேண்டும், மலைச்சாமிபுரத்தில் போதைப் பொருள் விற்பனையைத் தடுக்க வேண்டும். போதைப் பொருள் விற்பனை செய்வோர் ஆக்கிரமித்துள்ள 18 சென்ட் இடத்தை மீட்க வேண்டும். போதைப்பொருள் விற்பனைக்கு உடந்தையாக உள்ள போலீசார் மீது நடவடிக்கை எடுக்க வேண்டும் என்பது உள்ளிட்ட கோரிக்கைகளை வலியுறுத்தி மலைச்சாமிபுரம் கிராம மக்கள் நூற்றுக்கும் மேற்பட்டோர் திரண்டு நேற்று கலெக்டர் அலுவலகத்தை முற்றுகையிட்டனர். இதில் பள்ளி மாணவ, மாணவிகளும் சீருடையுடன் வந்து போராட்டத்தில் பங்கேற்றனர். இதனால், அங்கு பரபரப்பு ஏற்பட்டது. போலீசார் பேச்சுவார்த்தை நடத்தியதைத் தொடர்ந்து கிராம மக்கள் போராட்டத்தைக் கைவிட்டு கலெக்டர் வீரராகவராவிடம் மனு அளித்துச் சென்றனர்.

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 26-05-2018

    26-05-2018 இன்றைய சிறப்பு படங்கள்

  • trans_porattam

    ஸ்டெர்லைட் ஆலைக்கு எதிரான படுகொலையை கண்டித்து பிணம் போல் படுத்து திருநங்கைகள் நூதன போராட்டம்

  • neru_park_chinnamalai11

    நேரு பூங்கா - சென்ட்ரல் மற்றும் சின்னமலை - டிஎம்எஸ் இடையிலான மெட்ரோ ரயில் சேவை தொடக்க விழா!

  • stalin_dmk11

    தூத்துக்குடி துப்பாக்கிச் சூட்டை கண்டித்து தமிழகம் முழுவதும் பல்வேறு இடங்களில் திமுக கூட்டணி கட்சிகள் சாலை மறியல்

  • PlasticawarenessLondon

    லண்டன் பூங்காவில் பிளாஸ்டிக் விழிப்புணர்வு நிகழ்ச்சி

படங்கள் வீடியோ கல்வி சினிமா ஜோ‌திட‌ம்