SUN குழுமத்திலிருந்து வெளிவரும் காலை நாளிதழ்

படிக்கட்டு பயணத்தால் விபரீதம் மாநகர பஸ் சுவரில் உரசியதில் பிளஸ் 2 மாணவன் பரிதாப பலி 2 பேர் படுகாயம்

8/12/2017 11:22:52 AM

சென்னை: சென்னை அடுத்த நெற்குன்றம் சக்தி நகரை சேர்ந்தவர் சீனிவாசன் மகன் சுபாஷ் (17). நெற்குன்றம் நேதாஜி நகரை சேர்ந்தவர் கார்த்திக் (17), எம்எம்டிஏ காலனி அம்பேத்கர் தெருவை சேர்ந்தவர் ஜீவா (17). மூவரும் நண்பர்கள், இவர்கள், கோடம்பாக்கத்தில் உள்ள தனியார் பள்ளியில் பிளஸ் 2 படித்து வருகின்றனர். பள்ளி செல்வதற்காக சென்னை திருவேற்காட்டில் இருந்து தி.நகர் செல்லும் (த. எ 27 சி) மாநகர பஸ்சில் சென்றனர். இவர்கள் பஸ் படிக்கட்டில் நின்றபடி பயணம் செய்துள்ளனர். காலை 9.30 மணி அளவில் ஆற்காடு ரோடு, தெற்கு சிவன் கோயில் தெரு வழியாக மாநகர பஸ் சென்று கொண்டிருந்தது. அப்போது திடீரென அங்கிருந்த தனியார் மருத்துவமனையின் சுவர் மீது பஸ் சற்று வேகமாக உரசியது.

இதில், பஸ்சின் படிக்கட்டில் பயணம் செய்த சுபாஷ், கார்த்திக், ஜீவா ஆகிய மூன்று  மாணவர்களும் கீழே விழுந்தனர். இதில் மாணவன் சுபாஷுக்கு தலையில் பலத்த காயம் ஏற்பட்டது. கார்த்திக் மற்றும் ஜீவா ஆகியோருக்கு கை, கால்களில் சிராய்ப்பு ஏற்பட்டது. உடனே 3 பேரையும் தனியார் மருத்துவமனைக்கு கொண்டு சென்றனர். ஆனால் மருத்துவமனைக்கு செல்லும் வழியிலேயே சுபாஷ் பரிதாபமாக உயிரிழந்தார். அவரது உடல் பிரேத பரிசோதனைக்காக சென்னை அரசு பொது மருத்துவமனைக்கு எடுத்து செல்லப்பட்டது. இதுகுறித்து, பாண்டிபஜார் போக்குவரத்து புலனாய்வு போலீசார் வழக்குப்பதிவு செய்து, விழுப்புரம் மாவட்டத்ைத சேர்ந்த மாநகர பஸ் டிரைவர் பார்த்திபன் என்பவரை கைது செய்து விசாரித்து வருகின்றனர்.




தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • SnakesDayatGuindy

    சென்னை கிண்டி பாம்புப்பண்ணையில் உலக பாம்புகள் தினம் கொண்டாடப்பட்டது

  • PMspeachshellfellwb

    மேற்குவங்கத்தில் பிரதமர் உரையின்போது கொட்டகை சரிந்து விழுந்தது: காயமடைந்தவர்கள் மருத்துவமனையில் அனுமதி

  • BastilleDaycelebration

    பிரான்ஸ் நாட்டின் தேசிய தினம் கொண்டாட்டம்: 100 விமானங்களின் சாகச நிகழ்ச்சி

  • BodyPaintingFestival

    உடல் ஓவியத் திருவிழா 2018: வித்தியாசமான தோற்றத்தில் மாடல்கள்

  • 21stAnnualMudfestival

    தென்கொரியாவில் 21வது வருடாந்திர சேறு தின விழா கொண்டாட்டம்

படங்கள் வீடியோ கல்வி சினிமா ஜோ‌திட‌ம்