SUN குழுமத்திலிருந்து வெளிவரும் காலை நாளிதழ்

வளையப்பட்டி பஸ் ஸ்டாப்பில் அரசு மற்றும் தனியார் பஸ்கள்

8/11/2017 10:43:07 AM

நாமக்கல் : நாமக்கல் அருகே உள்ள வளையப்பட்டியில் காலை, மாலை நேரத்தில் அரசு மற்றும் தனியார் பஸ்கள் நிறுத்தாமல் செல்வதால், பள்ளி, கல்லூரிக்கு செல்லும் மாணவர்கள், வேலைக்காக செல்லும் பொதுமக்கள் சிரமத்துக்குள்ளாகின்றனர். நாமக்கல் திருச்சி சாலையில் உள்ள வளையப்பட்டியில் ஆயரத்துக்கும் மேற்பட்ட குடும்பங்கள் வசிக்கின்றனர். இப்பகுதியில் வசிக்கும் மக்கள் திருச்சி, தொட்டியம், முசிறி மற்றும் நாமக்கல் ஆகிய பகுதிகளில் உள்ள பள்ளி, கல்லூரி மற்றும் தொழிற்சாலைகளுக்கு செல்ல நாமக்கல்- திருச்சி இடையே இயக்கப்படும் பஸ்களை நம்பியுள்ளனர். இந்நிலையில் வளையப்பட்டி பஸ் ஸ்டாப்பில் காலை, மாலை நேரத்தில் அரசு மற்றும் தனியார் பஸ்கள் பல நிற்காமல் செல்வதால் மாணவ, மாணவிகள் மற்றும் மக்கள் சிரமத்துக்குள்ளாகின்றனர்.

இதுகுறித்து அப்பகுதி மக்கள் தெரிவித்ததாவது: சேலம், நாமக்கல், திருச்சி கோட்டங்கள் மூலம் அரசு பஸ்களும், தனியார் பஸ்களும் நாமக்கல் - திருச்சி வழித்தடத்தில் வளையப்பட்டி வழியாக இயக்கப்படுகிறது. நாள்தோறும் நூற்றுக்கும் மேற்பட்ட பஸ்கள் இயக்கப்படுகின்றன. சமீப காலமாக காலை, மாலை மற்றும் இரவு நேரத்தில் அரசு மற்றும் தனியார் பஸ்கள் வளையப்பட்டி பஸ் ஸ்டாப்பில் நிறுத்துவதில்லை.

இதுகுறித்து கண்டக்டர் மற்றும் டிரைவர்களிடம் கேட்டால் குறிப்பிட்ட நேரத்திற்குள் பஸ் ஸ்டாண்ட் செல்ல வேண்டும் என்பதால், வளையப்பட்டியில் பஸ்கள் நிற்காது என்கின்றனர். இதனால் தினமும் கால்கடுக்க பல மணி நேரம் காத்திருக்க வேண்டிய நிலை ஏற்படுகிறது. குறித்த நேரத்திற்குள் பள்ளி மற்றும் கல்லூரிக்கு செல்ல முடியாமல் மாணவ, மாணவிகளும், வேலைக்கு செல்ல முடியாமல் மக்களும் அவதிப்படுகின்றனர். எனவே, வளையப்பட்டி பகுதியில் பஸ்களை நிறுத்தி மக்களை ஏற்றி செல்ல சம்பந்தப்பட்ட அதிகாரிகள் நடவடிக்கை எடுக்க வேண்டும். இவ்வாறு அவர்கள் தெரிவித்தனர்.

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • polis_petrol11

    போலீசார் மீது பெட்ரோல் குண்டு வீச்சு; தூத்துக்குடியில் நீடிக்கிறது பதற்றம்

  • poepl_chennaii11

    சென்னை மக்களை வாட்டி வதைக்கும் கத்திரி வெயில் !...

  • thoothukudi_polissaa

    தூத்துக்குடியில் 2-வது நாளாக துப்பாக்கிச் சூடு : போலீஸ் வாகனங்களுக்கு தீவைப்பு

  • duchess_meganmarkel

    திருமணத்திற்கு பிறகு முதன்முறையாக டச்சஸ் ஆப் சுசக்ஸ் தோற்றத்துடன் உலா வந்த மேகன் மார்க்கல்

  • hyderabad_bustop11

    ஏசி, ஏடிஎம், காபி இயந்திரங்கள்,வைஃபை உள்ளிட்ட வசதிகளுடன் நவீன பேருந்து நிறுத்தம் :ஹைதராபாத்தில் வினோதம்

படங்கள் வீடியோ கல்வி சினிமா ஜோ‌திட‌ம்