SUN குழுமத்திலிருந்து வெளிவரும் காலை நாளிதழ்

தேனாம்பேட்டையில் டாஸ்மாக் மதுக்கடைக்கு பூட்டு போட்டு போராட்டம் மறியலில் ஈடுபட்ட கட்சியினர் கைது

6/19/2017 12:59:12 PM

சென்னை: மதுக்கடைக்கு பூட்டு போட்டு போராட்டம் நடத்திய 60க்கும் மேற்பட்டோரை போலீசார் கைது செய்தனர். இச்சம்பவம் தேனாம்பேட்டையில் பெரும் பரபரப்பை ஏற்படுத்தியது. தமிழகம் முழுவதும் மதுக்கடைகளுக்கு எதிராக பெண்கள் மற்றும் பொதுமக்கள் தன்னெழுச்சியாக போராட்டம் நடத்தி வருகின்றனர். பல இடங்களில் மதுக்கடைகளுக்கு பூட்டு போட்டும், மதுக்கடைகளை சூறையாடியும் வருகின்றனர். இந்நிலையில், சென்னை தேனாம்ேபட்டை திருவள்ளுவர் சாலையில் பொதுமக்கள் வசிக்கும் பகுதியில் இயங்கி வரும் டாஸ்மாக் மதுக்கடையை அகற்றக்ேகாரி அப்பகுதி மக்கள் பலமுறை மனு கொடுத்தும் இதுவரை மதுக்கடை அகற்றப்படவில்லை. இதையடுத்து, இந்திய கம்யூனிஸ்ட் கட்சி மற்றும் விடுதலை சிறுத்தைகள் கட்சியினர் நேற்று மதுக்கடைக்கு பூட்டுப் போட்டு போராட்டத்தில் ஈடுபட்டனர்.

அப்போது மதுக்கடையை இந்த பகுதியில் இருந்து நிரந்தரமாக மூடக்ேகாரி தமிழக அரசுக்கு எதிராக கோஷம் எழுப்பினர். தகவல் அறிந்ததும் தேனாம்பேட்டை போலீசார் சம்பவ இடத்திற்கு வந்து போராட்டத்தில் ஈடுபட்ட கட்சியினரிடம் பேச்சுவார்த்தை நடத்தினர். ஆனால் போராட்டத்தில் ஈடுபட்டோர் மதுக்கடையை நிரந்தரமாக மூடும் வரை நாங்கள் கலைந்து ெசல்ல மாட்டோம் என்று கூறி திருவள்ளுவர் சாலையில் மறியல் போராட்டம் நடத்தினர். இதனால் சிறிது நேரம் அங்கு பரபரப்பு ஏற்பட்டது. பின்னர் பல்வேறு போராட்டங்களுக்கு இடையே மதுக்கடைக்கு பூட்டு போட்டு, சாலை மறியல் போராட்டத்தில் ஈடுபட்ட இந்திய கம்யூனிஸ்ட், விடுதலை சிறுத்தைகள் கட்சியை சேர்ந்த 60க்கும் மேற்பட்டோரை போலீசார் கைது செய்தனர். இதனால் அப்பகுதியில் 1 மணி நேரத்திற்கு மேல் போக்குவரத்து பாதிக்கப்பட்டது.

பொருத்தமான வரன் தேடுகிறீர்களா? தமிழ்மேட்ரிமோனியில் பதிவு இலவசம்!

மேலும் செய்திகள்

Like Us on Facebook Dinkaran Daily News
  • indiaBLADEREMONCAL

    இந்தியாவிலேயே முதல் முறையாக வாலிபரின் மூச்சு குழாயில் பிளேடு துண்டுகள் அகற்றம்: ஸ்டான்லி டாக்டர்கள் சாதனை

  • cave_1_southh

    நீண்ட மண்டை ஓடு மற்றும் மூன்று விரல்களை கொண்ட விசித்திர மம்மி : குகையில் கண்டுபிடிப்பு

  • 29-06-2017

    29-06-2017 இன்றைய சிறப்பு படங்கள்

  • mIMANGAIhaecvsayrainhuhfd

    தொடரும் கனமழையால் வெள்ளக்காடான மும்பை : மிக கனமழைக்கு வாய்ப்புள்ளதாக எச்சரிக்கை

  • sBARAmailOPENERelppMHNMDK

    சபரிமலையில் ஆறாட்டு விழா துவக்கம் : இருமுடி கட்டுடன் வந்தது யானை

படங்கள் வீடியோ கல்வி சினிமா ஜோ‌திட‌ம்