SUN குழுமத்திலிருந்து வெளிவரும் காலை நாளிதழ்

போத்தனூர் - பொள்ளாச்சி பாதையில் பணி முடிந்தும் ரயில் இயக்கம் இல்லை

6/19/2017 11:38:03 AM

கோவை: போத்தனுார்-பொள்ளாச்சி அகல ரயில் பாதை பணிகள் முடித்து நான்கு மாதங்களாகியும் ரயில் போக்குவரத்து துவங்கப்படவில்லை.
 போத்தனுார்-பொள்ளாச்சி இடையேயான, 40 கி.மீ., அகலரயில் பாதை பணிகள், ரூ.349 கோடி மதிப்பீட்டில், கடந்த 2009ம் ஆண்டு துவங்கியது. நிலம் கையகப் படுத்துதல், பாலங்கள் கட்டுதல் என ஆமை வேகத்தில் நடந்து வந்த பணிகள் கடந்த மார்ச் இறுதியில் நிறைவடைந்தது. இதையடுத்து போத்தனுாரில் இருந்து பொள்ளாச்சிக்கு, டீசல் இன்ஜின் இயக்கி சோதனை நடத்தப்பட்டது. இதையடுத்து ஏப்ரல் மாதம் போத்தனுார்-பொள்ளாச்சி வழியாக, ரயில்கள் இயக்க நடவடிக்கை எடுக்கப்படும் என, சேலம் கோட்ட ரயில்வே மேலாளர் ஹரிசங்கர் வர்மா தெரிவித்திருந்தார். ஆனால் இதுவரை புதிய ரயில் இயக்கத்திற்கான எந்த அறிவிப்பும் வெளியிடவில்லை.

 தென் மாவட்டங்களுக்கு இந்த வழித்தடத்தில் குறைந்த நேரத்தில் சென்றுவிடலாம் என்பதால், பயணிகளிடம் எதிர்பார்ப்பு அதிகமாக இருந்து. ஆனால் கோவையிலிருந்து, பாலக்காடு, பொள்ளாச்சி வழியாக ராமேஸ்வரத்திற்கு கடந்த ஏப்ரல் மாதம் சிறப்பு ரயில் இயக்கப்படுவதாக, தெற்கு ரயில்வே அறிவிப்பு வெளியிட்டது. மேலும் இயக்கப்பட்ட, சிறப்பு ரயில்கள் மக்களிடையே போதிய வரவேற்பு இல்லாததாகக் கூறி ரத்து செய்யப்பட்டது. தெற்கு ரயில்வேயின் இந்த செயல்கள் பயணிகளிடையே அதிருப்தியை ஏற்படுத்தியது. இந்நிலையில் போத்தனூர்-பொள்ளாச்சி வழித்தடத்தில் 4 மாதங்களுக்கு மேல் ஆகியும் புதிய ரயில் இயக்கப்படவில்லை. இதுவரை ஒரு அறிவிப்பு கூட வெளியிடவில்லை. இதனிடையே ரயில் இயக்காமல் காலம் தாழ்த்திவரும் தெற்கு ரயில்வே நிர்வாகத்தை கண்டித்து ரயில் ஆர்வலர்கள் குழுவினர் பொள்ளாச்சி-போத்தனுார் வழித்தடத்தில், போத்தனூரில் இருந்து பொள்ளாச்சி வரை
நடந்து சென்று போராட்டம் நடத்த முடிவு செய்துள்ளனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • commissioner_chni_open

    சென்னையில் காவலர்களுக்கான பல்பொருள் அங்காடி: கமிஷனர் ஏ.கே.விஸ்வநாதன் திறந்து வைத்தார்

  • vina_prasanna_1

    சன்டிவி, தினகரன் வழங்கும் விநாயகர் பரிசுத் திருவிழா : வெற்றி பெற்றவர்களுக்கு நடிகர் கருணாஸ், பிரசன்னா பரிசுகள் வழங்கினர்

  • KanthaShashtifestival

    திருச்செந்தூர் சுப்பிரமணியசுவாமி கோயிலில் கந்த சஷ்டி திருவிழா துவங்கியது

  • naagai_depott

    பொறையாரில் போக்குவரத்து ஊழியர் ஓய்வு அறை இடிந்து 8 பேர் பலி

  • 20-10-2017

    20-10-2017 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்