SUN குழுமத்திலிருந்து வெளிவரும் காலை நாளிதழ்

பைக் நிறுத்தியதில் தகராறு கல்லூரி மாணவரை கத்தியால் குத்தி கொல்ல முயற்சி

6/19/2017 11:08:00 AM

சேலம்: சேலத்தில் பைக் நிறுத்தியதில் ஏற்பட்ட தகராறில் இன்ஜினியரிங் கல்லூரி மாணவரை கத்தியால் குத்தி கொல்ல முயன்ற தந்தை, மகனை போலீசார் கைது செய்தனர். சேலம் வடக்கு அழகாபுரம் கணக்குபிள்ளைதெருவை சேர்ந்தவர் கோவிந்தராஜ். இவரது மகன் கனகராஜ் (21). தனியார் இன்ஜினியரிங் கல்லூரியில் எம்சிஏ இரண்டாம் ஆண்டு படித்து வருகிறார். இவரது வீட்டு முன் நேற்று முன்தினம் இரவு பக்கத்தில் வசிக்கும் பழனிமுத்து, அவரது மகன் வசந்தகுமார் ஆகியோர் இரண்டு பைக்குகளை நிறுத்தியுள்ளனர். இதனால் நடந்து செல்ல இடையூறு ஏற்பட்டுள்ளது. அங்கு வந்த கனகராஜ், பைக்குகளை ஓரமாக எடுத்து விடும்படி கூறியுள்ளார். அப்போது, பழனிமுத்து, வசந்தகுமார் ஆகியோர் கனகராஜியிடம் தகராறில் ஈடுபட்டுள்ளனர். வாய் தகராறு முற்றவும், இருவரும் சேர்ந்து கனகராஜை கடுமையாக தாக்கி மார்பில் கத்தியால் குத்தினர்.

ரத்த வெள்ளத்தில் அவர் சரிந்து விழவும், அவரது உறவினரான சுரேஷ் வந்துள்ளார். அவரது முகத்திலும் கத்தியால் குத்தி கிளித்துள்ளனர். இதையடுத்து இருவரும் அங்கிருந்து தப்பினர். படுகாயமடைந்த கனகராஜ், சுரேஷ் ஆகியோரை மீட்ட உறவினர்கள், சேலம் அரசு மருத்துவமனையில் அனுமதித்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது. இதுபற்றி தகவல் அறிந்த அழகாபுரம் இன்ஸ்பெக்டர் செந்தில் மற்றும் போலீசார் சம்பவ இடம் சென்று விசாரணை நடத்தினர். தொடர் தேடுதல் வேட்டையில் கல்லூரி மாணவர் கனகராஜ் உள்ளிட்ட இருவரை கத்தியால் குத்தி கொல்ல முயன்ற பழனிமுத்து (55), வசந்தகுமார் (27) ஆகிய இருவரையும் போலீசார் கைது செய்தனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • JustinTrutto

    கனடா நாட்டு பிரதமர் ஜஸ்டின் ட்ருடோ குடும்பத்தினருடன் இந்தியா வருகை

  • 19-02-2018

    19-02-2018 இன்றைய சிறப்பு படங்கள்

  • 18-02-2018

    18-02-2018 இன்றைய சிறப்பு படங்கள்

  • policecampchennai

    சென்னையில் காவலர் குறைதீர்ப்பு முகாம்: காவல்துறை தலைவர் டி.கே.ராஜேந்திரன் பங்கேற்பு

  • 2018Underwaterphotos

    2018ம் ஆண்டின் நீருக்கடியில் எடுத்த சிறந்த புகைப்படங்களுக்கான விருதுகளை பெற்ற படங்களின் தொகுப்பு..

படங்கள் வீடியோ கல்வி சினிமா ஜோ‌திட‌ம்