SUN குழுமத்திலிருந்து வெளிவரும் காலை நாளிதழ்

அடிப்படை வசதியில்லாத கரிசல்பட்டி

6/19/2017 10:37:34 AM

பேரையூர் :  பேரையூர் - சாப்டூர் அருகே அடிப்படைவசதியின்றி பழையூர் கரிசல்பட்டி கிராம மக்கள் தவித்து வருகின்றனர். மதுரை சேடபட்டி ஊராட்சி ஒன்றியம் பழையூர் ஊராட்சிக்கு உட்பட்டது கரிசல்பட்டி கிராமம். இங்கு 60 குடும்பங்கள் வசித்து வருகின்றனர். இந்த ஊருக்குச் செல்ல பஸ்வசதி கிடையாது.  முற்றிலும் சேதமான  நிலையில் சாலைகள் உள்ளன. கழிவுநீர் செல்ல சாக்கடை வசதி கிடையாது. பள்ளிக்கு செல்லும், மாணவ, மாணவியர்  இவ்வழியாக அன்றாடம் சிரமப்பட்டு சென்று வருகின்றனர்.

அத்துடன் மராமத்து பார்க்கப்படாமல்  இடிந்து விழும் நிலையில் சாவடி உள்ளது.   ஊர் அருகில் மயானச்சாலை உள்ளது. ரூ. 4.20லட்சம் மதிப்பீட்டில் தாய் திட்டத்தின் கீழ் 2014- 15ஆம் ஆண்டு தண்ணீர் வசதியுடன் கூடிய சிமென்ட் சாலை அமைக்கப்பட்டது. தற்போது சாலை போடப்பட்டதிற்கான தடமே இல்லை.

தங்கள் கிராமத்திற்கு அடிப்படை வசதிகள் இல்லையென பலமுறை அதிகாரிகளுக்கும், கலெக்டர்களுக்கும் இக்கிராம மக்கள் மனு அளித்துள்ளனர். ஆனால், இதுவரை நடவடிக்கை எடுக்கப்படவில்லை என மக்கள் குற்றம் சாட்டுகின்றனர். கரிசல்பட்டியைச் சேர்ந்த ஜெயக்கொடி கூறுகையில்,”  கிராமத்திற்கு செல்லும் மயான சாலை முழுமையாக ஜல்லி தூசி மூலமாக சிமெண்ட் குறைவாக போட்டு  அமைக்கப்பட்டது.  அப்போதே புகார் தெரிவித்தோம். ஆனால், ஒப்பந்ததாரர் வேலை முடித்து பணத்தை வாங்கிச் சென்று விட்டார்.

ஒரே ஆண்டில் அந்த சாலை முற்றிலும்  உதவாமல் போனது. எங்கள் கிராமத்திற்கு சாக்கடை வசதி கிடையாது. நாடகமேடை, சமுதாயக்கூடம் கிடையாது. ஊருக்கு வரும் சாலை முற்றிலும் உருக்குலைந்து கிடக்கிறது. எங்கள் ஊர் முழுவதும் ஆதிதிராவிடஇன மக்கள் மட்டுமே உள்ளோம். இதனால் எங்களை அலட்சியப்படுத்தி எந்த அடிப்படைவசதியும் செய்ய அதிகாரிகளும், அரசும் முன்வருவதில்லை” என்று கூறினார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 24-06-2018

    24-06-2018 இன்றைய சிறப்பு படங்கள்

  • kmkharippastatue

    சென்னையில் இந்திய ராணுவத்தின் முதல் தலைமைத் தளபதி கே.எம்.கரியப்பாவின் சிலை திறப்பு!

  • Stalinarrestvolunteersstirstir

    தி.மு.க. தொண்டர்களுடன் மு.க.ஸ்டாலின் கைது: தமிழகம் முழுவதும் பல்வேறு இடங்களில் சாலை மறியல்

  • president_kovindh_cuba123

    கியூபாவில் உள்ள பிடல் காஸ்ட்ரோ மற்றும் ஜோஸ் மார்டி நினைவிடத்தில் ஜனாதிபதி ராம்நாத் கோவிந்த் மரியாதை!

  • RePlantingCanada

    அழிந்துவரும் காடுகளை மீட்கும் நடவடிக்கையில் ஈடுபட்டுள்ள கனடா நாட்டு மக்கள்: வருவாயும் கிடைப்பதால் மகிழ்ச்சி

படங்கள் வீடியோ கல்வி சினிமா ஜோ‌திட‌ம்