SUN குழுமத்திலிருந்து வெளிவரும் காலை நாளிதழ்

மணல் லாரிகள் நிறுத்த யார்டு ஏற்பாடு கொண்டையம்பேட்டை குவாரிக்கு 2 நாள் லீவு

5/19/2017 12:48:39 PM


திருச்சி: லாரிகளை நிறுத்த இடம் ஏற்பாடு செய்ய வசதியாக கொண்டையம்பேட்டை மணல் குவாரி 2 நாட்கள் இயங்காது என அறிவிக்கப்பட்டுள்ளது.   திருச்சி திருவானைக்காவல் கொண்டையம்பேட்டை பகுதியில் கொள்ளிடம் ஆற்றில் ஏற்கனவே மணல் குவாரி அமைக்கப்பட்டுள்ளது. இந்த மணல் குவாரியில் இதற்கு முன்பு ஒப்பந்தகாரர் மூலம் மணல் சப்ளை செய்யப்பட்டது. அப்போது 10க்கும் மேற்பட்ட மணல் அள்ளும் இயந்திரம் மூலம் தினமும் 2 ஆயிரத்திற்கும் மேற்பட்ட லாரிகளில் மணல் ஏற்றி அனுப்பப்பட்டது. சில நாட்களாக மணல் குவாரிகளை அரசே எடுத்து நடத்துவதால் பொதுப்பணித்துறை அதிகாரிகள் கொண்டையம்பேட்டை மணல் குவாரியில் லாரிகளுக்கு வங்கி டிடியை பெற்றுக்கொண்டு மணல் சப்ளை செய்து வந்தனர்.

தற்போது பொதுப்பணித்துறை மூலம் 2 இயந்திரம் மூலமே மணல் அள்ளப்பட்டு லாரிகளில் சப்ளை செய்யப்பட்டு வருகிறது. 2 இயந்திரம் மட்டுமே பயன்படுத்துவதால் ஒரு நாளைக்கு 150 லாரிகள் மட்டுமே மணல் சப்ளை செய்ய முடிகிறது. ஆனால், கொண்டையம்பேட்டை மணல் குவாரிக்கு மணல் அல்ல தினமும் 3,000 லாரிகள் வருகிறது. மணல் கிடைக்காத மற்ற லாரிகள் அனைத்தும் திருச்சி-சென்னை தேசிய நெடுஞ்சாலையில் சர்வீஸ் சாலையிலும், மெயின் ரோட்டிலும் போக்குவரத்துக்கு இடையூறாக நிறுத்தி வைக்கப்படுகின்றன. அப்பகுதியில் தினமும் போக்குவரத்து கடுமையாக பாதிக்கப்பட்டு வருகிறது.

இதை சரி செய்ய பொதுப்பணித்துறை நிர்வாகம் லாரிகளை வரிசைப்படி குவாரிகளில் மணல் அள்ள அனுப்புவதற்காக, குறிப்பிட்ட இடத்தில் லாரிகளை வரிசைப்படி நிறுத்துவதற்காக 2 யார்டுகள் அமைக்கும் பணியில் தற்போது ஈடுபட்டுள்ளது. யார்டில் வரிசைப்படி நிறுத்தப்படும் லாரிகளுக்கு 50 டோக்கன் வீதம் வழங்கி மணல் குவாரிக்குள் சென்று மணல் அள்ளி வர ஏற்பாடு செய்து வருகிறது. இந்தப் பணிகளால், கொண்டையம்பேட்டை மணல்குவாரி நேற்று இயங்கவில்லை. அதேபோல் இன்றும் குவாரி இயங்காது என பொதுப்பணித் துறை அதிகாரிகள் தெரிவித்துள்ளனர். குவாரி மூடப்பட்ட விபரம் தெரியாமல் கொண்டையம்பேட்டை பகுதிக்கு வந்த ஆயிரக்கணக்கான லாரிகள் திரும்பி சென்றவண்ணம் இருந்தன.

வரன் தேட தமிழ் மேட்ரிமோனி, இன்றே பதிவு - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 23-04-2018

    23-04-2018 இன்றைய சிறப்பு படங்கள்

  • Dinakaran_Education_Expo

    சென்னையில் தினகரன் நாளிதழின் கல்விக் கண்காட்சி கோலாகலமாக தொடங்கியது

  • mald123

    உலகிலேயே முதல்முறையாக கடலுக்கு அடியில் சொகுசுவிடுதி... மாலத்தீவில் நவம்பர் மாதம் திறப்பு!

  • Marijuana420Festival

    போதை பொருளான கஞ்சாவை, சட்டபூர்வமாக உபயோகிக்கும் 420 திருவிழா: உலகம் முழுவதும் கொண்டாட்டம்

  • milkcenterchennai

    சென்னையில் 24 மணி நேர பால் விற்பனை மையம் : அமைச்சர் ராஜேந்திர பாலாஜி தொடங்கி வைத்தார்

படங்கள் வீடியோ கல்வி சினிமா ஜோ‌திட‌ம்