SUN குழுமத்திலிருந்து வெளிவரும் காலை நாளிதழ்

பல்லாவரம் ரேடியல் சாலையில் கள்ளநோட்டுகளுடன் 2 வாலிபர்கள் சிக்கினர் போலீசார் தீவிர விசாரணை

5/19/2017 12:24:51 PM

தாம்பரம்: பல்லாவரம்-துரைப்பாக்கம் ரேடியல் சாலையில் புதிய இரண்டாயிரம் மற்றும் ரூ.500 கள்ள நோட்டுகளுடன்  சுற்றி திரிந்த 2 வாலிபர்களை போலீசார் பிடித்து விசாரணை நடத்தி வருகின்றனர். சிட்லப்பாக்கம் காவல் எல்லைக்கு உட்பட்ட பல்லாவரம்-துரைப்பாக்கம் ரேடியல் சாலையில் நாள்தோறும் வழிப்பறி மற்றும் கொள்ளை சம்பவங்கள் நடந்து வருகின்றன. இது தொடர்பாக ஏராளமான புகார்கள் காவல்நிலையத்துக்கு வந்தது.
இதையடுத்து நேற்று முன்தினம் இரவு சிட்லப்பாக்கம் போலீசார் ரேடியல் சாலை பகுதியில் ரோந்து பணியில் ஈடுபட்டனர். அப்போது, அவ்வழியாக நடந்து வந்த 2 பேரை  போலீசார் மடக்கி விசாரித்தனர். 2 பேரும் முன்னுக்குப்பின் முரணாக பதிலளித்தால் காவல் நிலையத்துக்கு அழைத்து வந்து விசாரணை நடத்தினர்.  அதில், இருவரும் நாகல்கேணியை சேர்ந்த யூசுப் (27), சுல்தான் (28) என்பதும், அவர்களிடம் 2 புதிய ரூ.2 ஆயிரம் மற்றும் 3 புதிய ரூ.500 கள்ள நோட்டுகள் மற்றும் ரூ.6 ஆயிரம் நல்ல நோட்டுகள் இருப்பதும் தெரிந்தது. இதையடுத்து கள்ள நோட்டுகளை போலீசார் பறிமுதல் செய்தனர்.  மேலும், வழக்குப்பதிவு செய்து கள்ளநோட்டுகளை யாரிடம் இருந்து வாங்கினார்கள். இதுவரை எவ்வளவு கள்ள நோட்டுகளை மாற்றியுள்ளனர்? இதற்கு பின்னணியில் உள்ளவர்கள் யார்? என்பது குறித்து இருவரிடமும் விசாரணை  நடத்தி வருகின்றனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 23-06-2018

    23-06-2018 இன்றைய சிறப்பு படங்கள்

  • chennai_protest123

    நீட் தேர்வில் நிரந்தர விலக்கு கோரி தலைமைச் செயலகத்தை முற்றுகையிட முயற்சி: மாணவர்கள் கைது

  • cleanesttrainPurityIndia

    ரயில்வே பாதுகாப்பு படை சார்பில் தூய்மை ரயில் - தூய்மை இந்தியா

  • fifa_fans123

    உலகக் கோப்பை கால்பந்து போட்டி: முகத்தில் வர்ணம் பூசி உற்சாகமாக கண்டுகளிக்கும் ரசிகர்கள்!

  • whatsapp_police11

    வாட்ஸ் அப் வதந்திகளை நம்பாதீர் : தண்டோரா போட்டு பிரச்சாரம் செய்யும் பெண் ஐபிஎஸ் அதிகாரிக்கு சல்யூட்

படங்கள் வீடியோ கல்வி சினிமா ஜோ‌திட‌ம்