SUN குழுமத்திலிருந்து வெளிவரும் காலை நாளிதழ்

29,30ம் தேதிகளில் நடக்கும் ஆசிரியர் தகுதி தேர்வை 38,968 பேர் எழுதுகின்றனர்

4/21/2017 10:43:55 AM

சேலம்: சேலம் மாவட்டத்தில் வரும் 29மற்றும் 30ம்தேதிகளில் நடக்கும் ஆசிரியர் தகுதி தேர்வை 38,968 பேர் எழுதுகின்றனர். சேலம் மாவட்டத்தில் ஆசிரியர் தகுதி தேர்வு வரும் 29மற்றும் 30ம்தேதிகளில் நடக்கிறது. இதற்கான  முன்னேற்பாடு பணிகள் குறித்த ஆலோசனை கூட்டம் கலெக்டர் சம்பத் தலைமையில் நடந்தது.  கூட்டத்தில், உதவி காவல் கண்காணிப்பாளர் சுஜித் குமார், மாவட்ட முதன்மை கல்வி அலுவலர் ஞானகெளரி, மாவட்ட கலெக்டரின் நேர்முக உதவியாளர் விஜய்பாபு உள்ளிட்ட அதிகாரிகள் கலந்து கொண்டனர். இது குறித்து கலெக்டர் சம்பத் தெரிவித்திருப்பது:  இடைநிலை மற்றும் பட்டதாரி ஆசிரியர்களுக்கான தேர்வு 24 மையங்களில் நடைபெறுகிறது. 11 ஆயிரத்து 699 பேர் தாள்-1 தேர்வையும், 27 ஆயிரத்து 269 பேர் தாள்-2 தேர்வையும் எழுதுகின்றனர். இந்த வகையில் ெமாத்தம் 38,968 பேர், ேதர்வெழுத உள்ளனர். இத்தேர்வில் கண்காணிப்பாளர், முதன்மை கண்காணிப்பாளர், துறை அலுவலர்கள் என 2,050 பேர் ஈடுபடுத்தப்படவுள்ளனர். கோட்டாட்சியர் அலுவலர் நிலையில் தேர்வினை கண்காணிக்க குழுக்கள் அமைக்கப்பட்டுள்ளது. தேர்வர்களுக்கு தேவையான குடிநீர், கழிப்பிடம், மின்சாரம் உள்ளிட்ட அடிப்படை வசதிகள் செய்திட அலுவலர்களுக்கு அறிவுறுத்தப்பட்டுள்ளது. தேர்வு வாரிய விதிமுறைகளுக்கு ஏற்ப வினாத் தாள் மற்றும் விடைத்தாள் வழங்குதல், விடைத்தாள் சேகரித்தல், தேர்வு எழுதும் நேரம் மற்றும் தேர்வர்களின் நுழைவுச்சீட்டு சரிபார்த்தல் பணிகளை முறையாக செய்திட அறிவுறுத்தப்பட்டுள்ளது. தேர்வர்கள் செல்போன், கால்குலேட்டர் உள்ளிட்டவற்றை மையங்களுக்கு எடுத்து வருவதை தவிர்க்க வேண்டும். தேர்வு வாரிய வழிமுறைகளை தேர்வர்கள் உரிய முறையில் கடைபிடித்திட வேண்டும். ஆள்மாறாட்டம் போன்ற ஒழுங்கீன செயல்களில் ஈடுபடுவோர் மீது கடும் நடவடிக்கை எடுக்கப்படும். இவ்வாறு கலெக்டர் தெரிவித்துள்ளார்.

வாழ்க்கைத் துணையை தேடுகிறீர்களா? தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 27PEOPLEdeidINhigHWAYacc

    கென்யாவில் நைரோபி-மம்பசா நெடுஞ்சாலையில் பஸ் டேங்கர் லாரி நேருக்கு நேர் மோதி 26 பேர் பலி

  • PEGGYwhitsonASTRONAUT

    அதிக நாட்கள் விண்வெளியில் தங்கி அமெரிக்க விண்வெளி வீராங்கனை சாதனை

  • RAM100yauliVECH

    ராமானுஜர் ஆயிரமாவது வருட உற்சவ விழாவை முன்னிட்டு யாளி வாகனத்தில் ராமானுஜர் வீதியுலா

  • ooty_pugaiii

    ஊட்டி அருகே 10 ஆண்டுகளுக்கு பின் மீண்டும் பூமியில் பிளவு ஏற்பட்டு கரும் புகை வெளியேறியது

  • strike_governmenn

    அரசு ஊழியர்கள் காலவரையற்ற வேலை நிறுத்தம் தொடக்கம்