SUN குழுமத்திலிருந்து வெளிவரும் காலை நாளிதழ்

டெல்லி போராட்டத்திற்கு ஆதரவாக மாவட்டத்தில் விவசாயிகள் உண்ணாவிரதம்

4/21/2017 10:34:43 AM

கோவை : மத்திய அரசு விவசாய கடன் தள்ளுபடி செய்ய வேண்டும், காவிரி மேலாண்மை வாரியம் அமைக்க வேண்டும் என்பது உள்ளிட்ட பல்வேறு கோரிக்கைகளை  வலியுறுத்தி டெல்லியில் விவசாயிகள் கடந்த 1 மாதமாக பல்வேறு போராட்டம் நடத்தி வருகின்றனர். போராட்டம் தீவிரமடைந்த போதிலும் மத்திய அரசு அவர்களை கண்டு கொள்ளவில்லை. இந்நிலையில் டெல்லியில் போராடும் விவசாயிகளுக்கு ஆதரவாகவும், கோரிக்கையை வலியுறுத்தியும் கோவை மாவட்ட கட்சி சார்பற்ற விவசாயிகள் சங்கம் சார்பில் கோவை டாடாபாத்தில் நேற்று உண்ணாவிரத போராட்டம் நடந்தது.

தலைவர் வழுக்குப்பாறை பாலு தலைமை தாங்கினார். பொது செயலாளர் கந்தசாமி முன்னிலை வகித்தார். இதில் பல்வேறு அமைப்புகள், மாணவர்கள், அரசியல் கட்சியினர் என சுமார் 1,200க்கும் மேற்பட்டோர் கலந்து கொண்டனர். இந்த உண்ணாவிரதப் போராட்டத்தில் மாற்றம் அமைப்பினர் பங்கேற்று விவசாயிகளின் கோரிக்கையை நிறைவேற்றக்கோரி மனு எழுதினர். அதில் அனைத்து விவசாயிகளும் தங்களது ரத்தத்தால் கையொப்பமிட்டனர். பின்னர் அந்த மனுவை மத்திய அரசுக்கு அனுப்பினர்.
 
இது குறித்து கட்சி சார்பற்ற விவசாயிகள் சங்க பொதுச்செயலாளர் கந்தசாமி கூறியதாவது: விவசாயிகள் போராட்டத்தை மத்திய அரசு கண்டு கொள்ளவில்லை. மேலும்  விவசாயிகளின் கடன் ரத்து செய்யப்படாது என்ற அறிவிப்பையும் மத்திய அரசு வெளியிட்டுள்ளது. விவசாயிகளின் கோரிக்கைகள் நிறைவேறும் வரை போராடுவோம். அடுத்தகட்ட போராட்டம் குறித்து செயற்குழுவில் முடிவு செய்யப்படும் என்றார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • kmkharippastatue

    சென்னையில் இந்திய ராணுவத்தின் முதல் தலைமைத் தளபதி கே.எம்.கரியப்பாவின் சிலை திறப்பு!

  • Stalinarrestvolunteersstirstir

    தி.மு.க. தொண்டர்களுடன் மு.க.ஸ்டாலின் கைது: தமிழகம் முழுவதும் பல்வேறு இடங்களில் சாலை மறியல்

  • president_kovindh_cuba123

    கியூபாவில் உள்ள பிடல் காஸ்ட்ரோ மற்றும் ஜோஸ் மார்டி நினைவிடத்தில் ஜனாதிபதி ராம்நாத் கோவிந்த் மரியாதை!

  • RePlantingCanada

    அழிந்துவரும் காடுகளை மீட்கும் நடவடிக்கையில் ஈடுபட்டுள்ள கனடா நாட்டு மக்கள்: வருவாயும் கிடைப்பதால் மகிழ்ச்சி

  • 23-06-2018

    23-06-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்