SUN குழுமத்திலிருந்து வெளிவரும் காலை நாளிதழ்

மக்கள் வெளியே தலை காட்ட முடியாமல் 107டிகிரி கோர வெயில் தாண்டவம் மதுரை வீதிகள் வெறிச்சோடியது பயணிகளே இல்லாமல் ஓடிய பஸ்கள்

4/19/2017 11:36:58 AM

மதுரை: கோர வெயில் தாண்டவத்தை தாங்க முடியாமல் மதுரை வீதிகள் நேற்று வெறிச்சோடின. மாலை 5 மணி வரை பஸ்களில் பயணிகள் மிகவும் குறைந்து காணப்பட்டனர். ஏராளமான பஸ்கள் பயணிகளே இல்லாமல் ஓடின.  மதுரை மாவட்டம் முழுவதும் நேற்று கோடை வெயில் அனலாக கொதித்தது. காலை 9 மணிக்கே வெயிலின் தாக்கம் ஆரம்பமாகி, மதியம் 2 மணிக்கு உச்சிக்கு ஏறியது. வெயிலின் அளவு 107டிகிரி பாரன்ஹீட் அளவிற்கு எகிறியது. மாலை 4 மணிக்கு பிறகு தான் தணிய தொடங்கியது. வெயில் சுட்டெரித்த நேரங்களில் மக்கள் வெளியே தலை காட்ட அஞ்சினர். இதனால் மதுரையில் நெருக்கடி மிகுந்த சிம்மக்கல், கோரிப்பாளையம், டவுண் ஹால்ரோடு, விளக்குதூண், பைபாஸ் ரோடு, காமராஜர் சாலை, உள்ளிட்ட அனைத்து பகுதிகளிலும் மக்கள் நடமாட்டமும், டூவீலரில் செல்வோரும் குறைந்து வெறிச்சோடி காணப்பட்டது. திறந்திருந்த கடைகளிலும் சரக்கு வாங்க ஆ்ட்கள் வரவில்லை. மாட்டுத்தாவணி, ஆரப்பாளையம், பெரியார் பஸ் ஸ்டாண்ட்களில் பயணிகள் கூட்டம் மிகவும் குறைவாகவே காணப்பட்டது. வெளியூர் மற்றும் டவுண் பஸ்களில் பயணிகள் கூட்டமின்றி, குறைந்த பயணிகளே பயணித்தனர். ஏராளமான பஸ்கள் பயணிகளே இல்லாமல் ஓடின. பகல் நேர ரயில்களிலும் கூட்டமில்லை. மக்கள் குடியிருப்பு பகுதிகளிலும் வெளியே வராமல் வீட்டுக்குள் முடங்கினர். தார் ரோட்டில் கால் வைக்க முடியாமல் கொதித்தது. அனல் காற்று வீசியது. இதனால் மக்கள் பெரும் அவதிக்கு உள்ளானார்கள். வீடுகளில் மின்விசிறி காற்றும் சூடாகவே இருந்தது. இரவிலும் வெக்கை தணியவில்லை. தண்ணீர் எவ்வளவு குடித்தாலும் தாகம் தீரவில்லை. மாலையில் குளிர்பான கடைகளில் கூட்டம் மொய்த்தது. தர்பூசணி விற்பனை அமோகமானது. இப்போதே வெயில் தாண்டவமாடுவதால், அக்னி நட்சத்திரம் மே 4ம் தேதி ஆரம்பித்து 28ம்தேதி  வரை நீடிக்கிறது. அந்த நாட்களில் கத்திரி வெயிலின் கொடுமையை எப்படி சமாளிப்பது? என்பது மக்களின் அச்சமாக உள்ளது.

வாழ்க்கைத் துணையை தேடுகிறீர்களா? தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • tulipTOEWFLOAWERS

    அமெரிக்காவில் ஸ்கஜித் பள்ளத்தாக்கில் 34-வது மலர் திருவிழா: பூத்துக் குலுங்கும் துலிப் மலர்கள்

  • INDAIANdogEXHIBIATION

    கென்னல் கிளப் சார்பில் நடைபெற்ற அகில இந்திய நாய் கண்காட்சி : பல்வேறு வகையான நாய்கள் பங்கேற்பு

  • fireFRIIN4hatrdAMBB

    அச்சகத்திற்கு மை தயாரிக்கும் கம்பெனியில் தீடீரென்று ஏற்பட்ட தீவிபத்து : 4மணி நேரம் போராடி தீயை அணைத்தனர்

  • ooti_kodai_flow

    விடுமுறை தினத்தை முன்னிட்டு ஊட்டி & கொடைக்கானல் தாவரவியல் பூங்காவில் மக்கள் கூட்டம் அலைமோதியது

  • streets_madhava

    சித்திரை திருவோணப் பெருவிழா : சேஷ வாகனத்தில் மாதவப்பெருமாள் வீதி உலா