SUN குழுமத்திலிருந்து வெளிவரும் காலை நாளிதழ்

சமயபுரம் மாரியம்மன் கோயில் 2வது வார பூச்சொரிதல் விழா 300 வண்டிகளில் விடிய விடிய பூ ரத ஊர்வலம்

3/20/2017 12:04:36 PM

திருச்சி: சமயபுரம் மாரியம்மன் கோயிலில் 2வது வார பூச்சொரிதல் விழாவையொட்டி சுமார் 300 அலங்கார ரதங்களில் பக்தர்கள் கொண்டு வந்த மலர்களை அம்மன் சிலை முன் குவித்தனர்.சமயபுரம் மாரியம்மன் கோயிலில் மாசி கடைசி ஞாயிற்றுக்கிழமை முதல் பங்குனி கடைசி ஞாயிற்றுக்கிழமை வரை 28 நாட்கள் அம்மன் பச்சைப்பட்டினி விரதம் இருந்து வருகிறார். இதனால் அம்மன் உடல் உஷ்ணத்தில் கொதிப்பதை கட்டுப்படுத்த பூச்சொரிதல் விழா என்ற பெயரில், பல்வேறு வகையிலான மலர்களைக் கொண்டு அம்மன் சிலை உள்ள கருவறை முழுவதும் நிரப்பி வைப்பது வழக்கம்.

திருச்சி மாவட்டம் மற்றும் சுற்றுப்புற பகுதிகளை ஒட்டியுள்ள பல்வேறு பகுதிகளில் இருந்து அலங்கார வண்டிகளில் மலர்களை கொண்டு வந்து அம்மனுக்கு சமர்ப்பிக்கின்றனர். சமயபுரம் மாரியம்மன் கோயிலில் 2வது வார பூச்சொரிதல் விழா நேற்று நடைபெற்றது.இதையொட்டி நேற்று அதிகாலை முதல் விடிய விடிய 300க்கும் அதிகமான இடங்களில் இருந்து அலங்கார ரதங்களில் பக்தர்கள் பூக்கள் கொண்டு வந்து அம்மனுக்கு சாற்றினர்.

நேற்று ஒரே நாளில் மட்டும் சுமார் 1 லட்சத்திற்கும் அதிகமான பக்தர்கள் சமயபுரம் கோயிலுக்கு வந்தனர். இதனால் அந்த பகுதி முழுவதுமே பக்தர்கள் வெள்ளமாக காட்சியளித்தது. இதையொட்டி எஸ்பி செந்தில்குமார் உத்தரவின் பேரில் ஏராளமான போலீசார் பாதுகாப்பு பணியில் ஈடுபட்டனர்.

ஆயிரத்தில் ஏன்? லட்ச்சத்தில் ஒருவரை தேர்ந்தெடுங்கள் - தமிழ் மேட்ரிமோனியில், பதிவு இலவசம்!

மேலும் செய்திகள்

Like Us on Facebook Dinkaran Daily News
  • durgapuja2017

    துர்கா பூஜை 2017: பூமி, பேரழிவு தாக்கங்கள், பாகுபலி அரண்மனை உள்ளிட்ட வடிவங்களில் பந்தல் வடிவமைப்பு

  • worldfastestbullettrain

    உலகின் அதிவேக புல்லட் ரயில் சீனாவில் அறிமுகம்: 350 கிலோ மீட்டர் வேகத்தில் பயணிக்கும் திறன்

  • americaembassylondon

    $1 பில்லியன் டாலர் செலவில் அமெரிக்காவின் புதிய தூதரகம்: தீவிரவாத தாக்குதலில் இருந்து பாதுகாக்கும் வகையில் லண்டனில் வடிவமைப்பு

  • flight_12

    கால்பந்து மைதானத்தை விட பெரிய இறக்கைகள் கொண்ட விமானம் : ராக்கெட்டுகளை விண்ணுக்கு அனுப்பும் திறன் வாய்ந்துள்ளது

  • navarathri_festivall111

    நவராத்திரி திருவிழா : வடமாநிலங்களில் தாண்டியா மற்றும் கர்பா நடனம் ஆடி பொது மக்கள் உற்சாக கொண்டாட்டம்

படங்கள் வீடியோ கல்வி சினிமா ஜோ‌திட‌ம்