SUN குழுமத்திலிருந்து வெளிவரும் காலை நாளிதழ்

தொழிலாளர் நல அலுவலகத்தில் பதிவுகேட்பு மனு குளறுபடியை சரிசெய்ய ஆலோசனை கூட்டம் நடத்த வேண்டும் தொழிற்சங்க கூட்டமைப்பு வலியுறுத்தல்

3/20/2017 11:02:12 AM


நாமக்கல்:தொழிலாளர் நல அலுவலகத்தில் புது பதிவு, பதிவுகேட்பு மனு ஆகியவற்றில் உள்ள குளறுபடிகளை சரி செய்ய, நல அலுவலர் முன்னிலையில் வாரம் ஒருமுறை ஆலோசனை கூட்டம் நடத்த வேண்டும் என தமிழ்நாடு மக்கள் நல பொதுசேவை அனைத்து சங்கங்களின் கூட்டமைப்பின் மாநில தலைவர் பாலுசாமி தெரிவித்தார்.இதுகுறித்து அவர் கூறியதாவது:கட்டுமானம் மற்றும் அமைப்புசாரா சங்கங்கள் கலந்து கொள்ள வசதியாக, தமிழ்நாடு தொழிலாளர் வாரியத்தில் மத்திய, மாநில மற்றும் பதிவு பெற்ற அனைத்து சங்கங்களின் பிரதிநிதிகள் உறுப்பினராக நியமிக்க அரசு நடவடிக்கை எடுக்க வேண்டும். தொழிலாளர் நல அலுவலகத்தில் புது பதிவு, பதிவுகேட்புமனு, குளறுபடிகளை சரி செய்ய வாரம் ஒருமுறை தொழிற்சங்க பிரதிநிதிகளை அழைத்து தொழிலாளர்கள் அலுவலகத்தில் நல அலுவலர் முன்னிலையில் ஆலோசனை கூட்டம் நடத்த வேண்டும். வாரியங்கள் தொடங்கப்பட்டபோது, தொழிலாளியின் பங்களிப்பு இருந்தது. தற்போது அது இலவசமாக்கப்பட்டுள்ளது. எனவே ஆரம்ப காலங்களில் இருந்ததை போன்றே, பதிவு மற்றும் புதுப்பித்தலுக்கு தொழிலாளியின் பங்களிப்பு கட்டாயம் வேண்டும் என அரசு உத்தரவிட வேண்டும். கட்டுமான தொழிலுக்கு தேவையான மூலப்பொருட்கள் விலையை உயர்த்துவதை கட்டுப்படுத்த வேண்டும், என்றார். அப்போது ஒருங்கிணைப்பாளர்கள் சின்னுசாமி, மோகன்ராஜ் ஆகியோர் உடனிருந்தனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • kmkharippastatue

    சென்னையில் இந்திய ராணுவத்தின் முதல் தலைமைத் தளபதி கே.எம்.கரியப்பாவின் சிலை திறப்பு!

  • Stalinarrestvolunteersstirstir

    தி.மு.க. தொண்டர்களுடன் மு.க.ஸ்டாலின் கைது: தமிழகம் முழுவதும் பல்வேறு இடங்களில் சாலை மறியல்

  • president_kovindh_cuba123

    கியூபாவில் உள்ள பிடல் காஸ்ட்ரோ மற்றும் ஜோஸ் மார்டி நினைவிடத்தில் ஜனாதிபதி ராம்நாத் கோவிந்த் மரியாதை!

  • RePlantingCanada

    அழிந்துவரும் காடுகளை மீட்கும் நடவடிக்கையில் ஈடுபட்டுள்ள கனடா நாட்டு மக்கள்: வருவாயும் கிடைப்பதால் மகிழ்ச்சி

  • 23-06-2018

    23-06-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்