SUN குழுமத்திலிருந்து வெளிவரும் காலை நாளிதழ்

முறைகேடுகளை தடுக்க நலவாரிய உறுப்பினர்கள் ஆதார் எண்ணை இணைக்க வேண்டும் கலெக்டர் தகவல்

3/20/2017 11:02:04 AM

நாமக்கல்:முறைகேடுகளை தடுக்க, நாமக்கல் தொழிலாளர் அலுவலகத்தில் நலவாரிய உறுப்பினர்கள் உடனடியாக ஆதார் எண்ணை இணைக்க வேண்டும் என கலெக்டர் தெரிவித்துள்ளார். இது குறித்து, கலெக்டர் ஆசியாமரியம் வெளியிட்டுள்ள அறிக்கை:
நாமக்கல் மாவட்டத்தில் அமைப்புசாரா தொழிலாளர்கள் நலனை பாதுகாக்கும் வகையில், தொழிலாளர் அலுவலகம் சமூக பாதுகாப்பு திட்டம் மூலம் பல்வேறு நலத்திட்ட உதவிகள் வழங்கப்பட்டு வருகிறது.  

இதன் அடிப்படையில் தமிழ்நாடு கட்டுமான தொழிலாளர் நல வாரியம், உடலுழைப்பு தொழிலாளர் நல வாரியம், அமைப்பு சாரா ஓட்டுநர்கள் நலவாரியம், தையல் தொழிலாளர் நல வாரியம், முடி திருத்துவோர் நல வாரியம், சலவை தொழிலாளர் நல வாரியம்,  பனைமர தொழிலாளர் நல வாரியம், காலணி, தோல் பொருட்கள் உற்பத்தி தோல் பதனிடும் தொழிலாளர் நல வாரியம், ஓவியர் நல வாரியம், பொற்கொல்லர் நல வாரியம், மண்பாண்ட தொழிலாளர் நல வாரியம், வீட்டுப்பணியாளர் நல வாரியம், சமையல் தொழிலாளர் நல வாரியம் உள்பட 17 நல வாரியங்களில், நாமக்கல் மாவட்ட தொழிலாளர் அலுவலகத்தில் 2,08,467 பேர் உறுப்பினர்களாக பதிவு செய்துள்ளனர்.

இதில் அடையாள அட்டைகள் பெற்றுள்ள தொழிலாளர்கள், வருவாய் துறை மற்றும் இதர வேறு பல துறைகள் மூலம் செயல்படுத்தப்படும் சமூகப் பாதுகாப்பு திட்டங்களிலும் உதவிகள் பெறுவதாக புகார் வந்துள்ளது.இந்த முறைகேடுகளை தவிர்க்கும் நோக்கில், அரசின் நலத்திட்ட உதவிகள் அனைவருக்கும் சென்று சேர வேண்டும் என்ற அடிப்படையிலும், இனிமேல் உறுப்பினர்கள் அரசு நலத்திட்ட உதவிகள் பெறுவதற்கு தங்களது உறுப்பினர் அடையாள அட்டை எண்ணையும், ஆதார் அடையாள அட்டை எண்ணையும் அளிக்க வேண்டும்.

இதன் அடிப்படையில், நாமக்கல் மாவட்டத்தை சேர்ந்த தொழிலாளர்கள் தங்களது பதிவு அடையாள அட்டை நகலுடன் ஆதார் அடையாள அட்டை நகலை இணைத்து 31ம் தேதிக்குள் மோகனூர் ரோட்டில் உள்ள தொழிலாளர் அலுவலர் (சமூக பாதுகாப்பு திட்டம்) அலுவலகத்தில் அளிக்க வேண்டும். ஆதார் எண் இணைக்கும் பணி மேற்கொள்ள ஒவ்வொரு சனிக்கிழமையும் அலுவலகம் செயல்படும். இவ்வாறு அவர் தெரிவித்துள்ளார்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • odingaelectionkenya

    கென்யாவில் அதிபர் தேர்தல் எதிரொலி: எதிர்க்கட்சித் தலைவர் ரெயாலா ஒடிங்காவின் ஆதரவாளர்கள் கலவரம்

  • serina_wed_photos

    டென்னிஸ் வீராங்கனை செரினா வில்லியம்ஸ் மற்றும் அலெக்சிஸ் ஓஹானியன் திருமணம் புகைப்படங்கள்

  • Newyork_Fire

    நியூயார்க் நகரில் உள்ள அடுக்குமாடி குடியிருப்பில் பயங்கர தீ விபத்து: தீயணைப்பு வீரர்கள் உட்பட 5 பேர் காயம்

  • mikro_yogiii

    பில்கேட்ஸ் - முதல்வர் யோகி ஆதித்யநாத் சந்திப்பு! : நிதியுதவி, என்சிபாலிட்டிஸ் தடுப்பூசி திட்டங்கள் குறித்து ஆலோசனை

  • sothnai_jaya

    21 ஆண்டுகளுக்கு பிறக ஜெயலலிதா வீட்டில் ஐடி ரெய்டு : போராட்டத்தில் ஈடுபட்ட அதிமுக தொண்டர்கள் கைது; சோதனைக்கு பிறகு விடுவிப்பு

படங்கள் வீடியோ கல்வி சினிமா ஜோ‌திட‌ம்