SUN குழுமத்திலிருந்து வெளிவரும் காலை நாளிதழ்

பள்ளி மாணவி பாலியல் பலாத்காரம் பிளஸ் 2 மாணவரிடம் விசாரணை

2/2/2015 12:31:17 PM

ஆத்தூர், : சேலம் மாவட்டம் ஆத்தூர் அருகே 13 வயது மாணவியை பாலியல் பலாத்காரம் செய்ததாக தெரிவிக்கப்பட்ட புகாரின்பேரில், பிளஸ் 2 மாணவனிடம் போலீசார் தீவிர விசாரணை நடத்தி வருகின்றனர். சேலம் மாவட்டம் ஆத்தூர் அருகே நரசிங்கபுரம் பகுதியைச் சேர்ந்த 13 வயது மாணவி, அரசு மகளிர் மேல்நிலைப்பள்ளியில் 8ம் வகுப்பு படித்து வருகிறார். நேற்று முன்தினம் மாலை 5 மணியளவில் வீட்டில் இருந்த தாயிடம் தனது தோழியை பார்த்து விட்டு வருவதாக கூறிச்சென்றார். ஆனால், இரவு வெகுநேரமாகியும் வீடு திரும்பாததால் பெற்றோர் தவித்தனர்.

இந்நிலையில், நேற்று காலை 9 மணிக்கு கலைந்த ஆடைகளுடன் வீடு திரும்பிய மாணவியை கண்டு பெற்றோர் பதறி துடித்தனர். இரவு முழுவதும் எங்கே சென்றாய்? ஏன் இப்படி அலங்கோலமாக இருக்கிறாய் என கேட்டபோது? ஆத்தூர் காந்திநகர் பூங்கா பகுதியில் சலவை கடை வைத்திருக்கும் பிளஸ் 2 மாணவன் பாலியல் பலாத்காரம் செய்து விட்டதாக கூறியதை கேட்டு திடுக்கிட்டனர்.

நேற்று முன்தினம் மாலையில் பூங்காவிற்கு சென்றபோது அங்கு வந்து ஆசை வார்த்தைகள் கூறி தன்னை அழைத்துச் சென்று மறைவான இடத்தில் வைத்து பாலியல் பலாத்காரம் செய்ததாகவும், அதிகாலையில் அவனுக்கு தெரியாமல் தப்பி வந்து விட்டதாகவும் மாணவி கதறியபடி கூறினார். உடனே, அவரை அழைத்துக்கொண்டு ஆத்தூர் அனைத்து மகளிர் காவல்நிலையத்திற்கு விரைந்த பெற்றோர், அங்கிருந்த காவல் ஆய்வாளர் எழிழரசியிடம் புகார் கொடுத்தனர்.
இதன்பேரில், மாணவனை அழைத்து காவல் நிலையத்தில் வைத்து போலீசார் விசாரித்தனர். அப்போது, பாலியல் பலாத்காரம் செய்ததை மாணவன் ஒப்புக்கொண்டதாக தெரிகிறது. இதையடுத்து, பள்ளி மாணவி மருத்துவ பரிசோதனைக்காக அனுப்பி வைக்கப்பட்டார். மகளிர் காவல் நிலையத்தில் வைக்கப்பட்டுள்ள பிளஸ் 2 மாணவனிடம் போலீசார் தொடர்ந்து விசாரித்து வருகிறார்கள். இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.






பொருத்தமான வரன் தேடுகிறீர்களா? தமிழ்மேட்ரிமோனியில் பதிவு இலவசம்!

மேலும் செய்திகள்

Like Us on Facebook Dinkaran Daily News
  • siccoarSTUCKinachild

    விளையாட்டால் விபரீதம் : 2 வயது குழந்தையின் நெற்றியில் மாட்டிய கத்தரிக்கோல் அறுவைசிகிச்சைக்கு பிறகு அகற்றம்

  • chiLDSIwisjhh

    மாணவரின் எஸ்ஐ ஆசையை நிறைவேற்றிய போலீஸ் கமிஷனர் ஏ.கே.விஸ்வநாதன்

  • 19-08-2017

    19-08-2017 இன்றைய சிறப்பு படங்கள்

  • biharBRIDGEcollapse

    பாலத்தை கடக்கும் முன் பாதியிலேயே இடிந்து விழுந்ததில் 3 பேர் உயிரிழப்பு..!

  • assamRFGBIHARflood

    வெள்ளத்தில் மிதக்கும் பீகார், அசாம் மாநிலங்கள் : லட்சக்கணக்கான மக்களின் வாழ்க்கை பாதிப்பு

படங்கள் வீடியோ கல்வி சினிமா ஜோ‌திட‌ம்