SUN குழுமத்திலிருந்து வெளிவரும் காலை நாளிதழ்

மட்டன் முகலாய் மசாலா

2020-03-02@ 18:04:18

தேவையானவை:

மட்டன்    - 1/2 கிலோ
எண்ணெய்    - 4 ஸ்பூன்
நெய்    - 4 ஸ்பூன்
இஞ்சி, பூண்டு பேஸ்ட் - 3  ஸ்பூன்
வெங்காயம்    - 300 கிராம்
பச்சை மிளகாய்    - 3
காஷ்மீரி சில்லி    - 4
பட்டை    - சிறிதளவு
ஏலக்காய்    - 3
கிராம்பு    - 3
மல்லி    - 3 ஸ்பூன்
சீரகம்    - 1 ஸ்பூன்
மிளகு    - 1/2 ஸ்பூன்
மஞ்சள் தூள்- 1/2 ஸ்பூன்
தயிர் - 1 கப்
புதினா, கொத்தமல்லித் தழை - சிறிதளவு
உப்பு - தேவையான அளவு


செய்முறை:

மட்டனை மீடியமான அளவுத் துண்டுகளாக்கி சுத்தம் செய்து தண்ணீர் இல்லாமல் வடிக்கவும். வெங்காயம், கொத்தமல்லித் தழை, புதினா மற்றும் பச்சை மிளகாய் ஆகியவற்றை நறுக்கி வைக்கவும். மட்டனை 4 ஸ்பூன் நெய் விட்டு தண்ணீர் வற்றும் வரை வதக்கி எடுத்து வைக்கவும். மிக்ஸியில் பட்டை, ஏலக்காய், கிராம்பு, காஷ்மீரி சில்லி, மல்லி, சீரகம், மிளகு மற்றும் மஞ்சள் தூள் ஆகியவற்றைப் போட்டு பொடித்துக் கொள்ளவும். இத்துடன் வெங்காயம் சேர்த்து அரைக்கவும். குக்கரில் எண்ணெய் விட்டு இஞ்சி, பூண்டு விழுது மற்றும் அரைத்த மசாலா சேர்த்து சுருள வதக்கவும்.
வதங்கியதும் சிவந்து இருக்கும். பிறகு தயிரைக் கரைத்துச் சேர்த்து, மட்டனை சேர்க்கவும்.

பிறகு உப்பு சேர்த்து நன்றாகப் பிரட்டவும். நன்கு பிரட்டிவிட்டு மஞ்சள் தூள், பச்சை மிளகாய், கொத்தமல்லித் தழை மற்றும் புதினா சேர்த்துக் கிளறவும். அத்துடன் சிறிதளவு தண்ணீர் சேர்த்து குக்கரை மூடி 4 விசில் வரும் வரை வைத்திருக்கவும்.மட்டன் நன்றாக வெந்துவிடும். தண்ணீர் இருந்தால் ஓரளவு வற்றும் வரை வைத்திருந்து இறக்கவும். அவ்வளவுதான்...!சப்பாத்தி, நாண் போன்றவைகளுக்கு தொட்டு சாப்பிடலாம். செம டேஸ்டாய் இருக்கும்.

மேலும் செய்திகள்

Like Us on Facebook Dinkaran Daily News
  • 03-07-2020

    03-07-2020 இன்றைய சிறப்பு படங்கள்

  • petroLLL

    பெட்ரோல், டீசல் விலை உயர்வைக் கண்டித்து நாடு முழுவதும் காங்கிரஸ் போராட்டம்!!

  • pakisthN_11

    கராச்சி பங்குச்சந்தை அலுவலகத்தில் பயங்கரவாதிகள் தாக்குதல் : 6 பேர் பலி ; 4 தீவிரவாதிகள் சுட்டுக் கொலை!!!

  • mask_glovbeess1

    கடலுக்கு அடியில் குவியும் மாஸ்க், கையுறைகள் : கடல்வாழ் உயிரினங்களுக்கு கெடுதல் விளைவிக்கும் அபாயம்!!

  • 26-06-2020

    26-06-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்