தேவையான பொருட்கள்:

கோதுமை மாவு-2 கப்,
புதினா கீரை-2 கப்,
கொத்தமல்லி-1/2 கப்,
பல்லாரி-1,
பூண்டு-5 பல்,
பச்சை மிளகாய்-4,
சீரகம்-1/2 ஸ்பூன்,
நெய்-தேவையான அளவு.

செய்முறை:

கோதுமை மாவில் தண்ணீர், உப்பு சேர்த்து சப்பாத்தி மாவு போல பிசைந்து ஒரு மணி நேரம் ஊற விடவும். புதினாவையும், கொத்துமல்லியையும் நன்றாக அலசி பொடியாக வெட்டிக் கொள்ளவும். பல்லாரி, பூண்டு, பச்சை மிளகாயையும் பொடியாக நறுக்கி வைத்துக் கொள்ளவும். வாணலியில் சிறிது நெய் விட்டு சீரகம் போட்டு பொரித்து, பின்னர் பல்லாரி, பூண்டு, பச்சை மிளகாய் போட்டு வதக்கவும். நன்கு வதங்கிய பின்னர் நறுக்கி வைத்துள்ள புதினா, கொத்தமல்லியை போட்டு சிறிது உப்பு சேர்த்து வதக்கவும். ஒரு மணி நேரம் ஊற வைத்த மாவை தேவையான சப்பாத்தி அளவில் உருட்டிக் கொள்ளவும். ஒரு சப்பாத்தி மீது வதக்கி வைத்துள்ள புதினா கலவையைப் தேவையான அளவு இட்டு அதன் மீது மற்றொரு சப்பாத்தி வைத்து முனைகளில் ஒட்டவும். மீண்டும் இதனை லேசாக உருட்டிக் கொள்ளவும். தோசைக்கல் காய்ந்ததும் சப்பாத்தியை போட்டு எடுக்கவும். சத்தான புதினா சப்பாத்தி ரெடி.