என்னென்ன தேவை?

மேல் மாவிற்கு...
மைதா மாவு - 1 கப்,
உப்பு - சிறிது,
எண்ணெய் - 2 டீஸ்பூன்.

பூரணத்திற்கு...
பொடியாக நறுக்கிய பீன்ஸ், கேரட், கோஸ் - தலா 1/4 கப்,
மிளகாய்த்தூள் - 2 டீஸ்பூன்,
சோயா சாஸ் - 1 டீஸ்பூன்,
உப்பு - தேவைக்கு.

எப்படிச் செய்வது?

மைதா மாவு, உப்பு சேர்த்து பிசறி தண்ணீர் ஊற்றி சப்பாத்தி மாவு பதத்திற்கு பிசைந்து மேலே எண்ணெய் தடவி 20 நிமிடத்திற்கு ஊறவிடவும். கடாயில் எண்ணெய் ஊற்றி சூடானதும் பீன்ஸ், கேரட், கோஸ் போட்டு நன்கு வதக்கி மிளகாய்த்தூள், உப்பு சேர்த்து வதக்கி சோயா சாஸ் கலந்து இறக்கவும். மைதா மாவை சிறு சிறு உருண்டைகளாக செய்து சப்பாத்தியாக திரட்டி உள்ளே பூரணத்தை வைத்து பாய் போல் சுருட்டி மூடி ஓரங்களை, மைதா மாவில் சிறிது தண்ணீர் ஊற்றி கரைத்த கரைசலால் ஒட்டி சூடான எண்ணெயில் பொரித்தெடுத்து பரிமாறவும்.