என்னென்ன தேவை?

கருப்பு கொண்டைக்கடலை - 1 கப்,
துருவிய தேங்காய் - 1/4 கப்,
பொடியாக நறுக்கிய பச்சைமிளகாய் - 2.

தாளிக்க...

கடுகு, உளுத்தம்பருப்பு - தலா 1 டீஸ்பூன்,
பெருங்காயத்தூள் - சிறிது,
உப்பு, எண்ணெய் - தேவைக்கு,
கறிவேப்பிலை - 1 கொத்து.

எப்படிச் செய்வது?

கருப்புக் கொண்டைக்கடலையை முதல்நாள் இரவே ஊறவைத்து, மறுநாள் உப்புபோட்டு வேகவைத்து வடித்துக் கொள்ளவும். கடாயில் எண்ணெயை காயவைத்து கடுகு, உளுத்தம்பருப்பு, பச்சைமிளகாய், பெருங்காயத்தூள், கறிவேப்பிலை தாளித்து, வெந்த கொண்டைக்கடலை, தேங்காய்த்துருவலை கலந்து படைத்து பரிமாறவும்.

குறிப்பு: தேங்காயுடன் மாங்காயும் சேர்த்து செய்யலாம். காய்ந்தமிளகாய் - 2, தனியா, கடலைப்பருப்பு, உளுத்தம்பருப்பு - தலா 1 டீஸ்பூன் சேர்த்து வறுத்து பொடித்து கலந்து மசாலா சுண்டல் செய்யலாம்.