என்னென்ன தேவை?

கேரட் - 1,
பழுத்த பெங்களூர் தக்காளி - 3,
பெரிய வெங்காயம் - 1/2 அளவு,
கொத்தமல்லித்தழை - சிறிது,
தண்ணீர் - 400 மி.லி.,
உப்பு, மிளகுத்தூள் - தேவைக்கு,
கிராம்பு - 2,
பூண்டு - 2 பல்,
பட்டை - 1/2 இன்ச் அளவு.

எப்படிச் செய்வது?

குக்கரில் நறுக்கிய தக்காளி, வெங்காயம், கேரட், பூண்டு, பட்டை, கிராம்பு, மிளகுத்தூள், தண்ணீர் சேர்த்து மிதமான தீயில் 2 விசில் விட்டு தக்காளியை வேகவிடவும். சூடு ஆறியதும் நன்கு மசித்து வடித்துக் கொள்ளவும். குறைவான சூட்டில் 300 மி.லி. வரும்வரை சூப்பைச் சூடு செய்து, உப்பு சேர்த்து கலந்து, நறுக்கிய கொத்தமல்லியால் அலங்கரித்து பரிமாறவும்.

குறிப்பு: சூப்பை கொதிக்க வைத்தால் அதிலுள்ள சத்துக்கள் வீணாகி விடும். ஆகவே பாத்திரத்தை மூடியோ அல்லது குக்கரில் வைத்தோ சூப் செய்யவும்.