என்னென்ன தேவை?

(8 மஃபின்ஸ் செய்ய...)

மைதா - 1 ½ கப்
சோள மாவு (வெள்ளை)  - 3 டேபிள்ஸ்பூன்
தயிர் - 1 கப்
சர்க்கரை - ¾ கப்
எண்ணெய் - ½ கப்
பேக்கிங் பவுடர் - 1 டீஸ்பூன்
பேக்கிங் சோடா - ½ டீஸ்பூன்
வெனிலா எெசன்ஸ் - 1 டீஸ்பூன்
மஞ்சள், பச்சை, நீலம், சிவப்பு ஆகிய நிறங்கள் - தலா ¼ டீஸ்பூன்.

எப்படிச் செய்வது?

ஒரு கிண்ணத்தில் மைதாவை எடுத்துக்கொள்ளவும். அதிலிருந்து 3 டேபிள்ஸ்பூன் மாவை எடுத்துவிடவும். 2. இதில், 3 டேபிள்ஸ்பூன் சோள மாவை சேர்த்து, நன்றாகக் கலக்கவும். இதைத் தனியாக வைக்கவும். ஒரு வாயகன்ற கிண்ணத்தில் தயிர், சர்க்கரை சேர்த்து, கரையும் வரை கலக்கவும். 4. இதில், வெனிலா எெசன்ஸ், பேக்கிங் பவுடர் மற்றும் பேக்கிங் சோடா சேர்த்துக் கலக்கவும். இந்தக் கலவை சற்று நுரைத்துக் காணப்படும். 5. எண்ணெயை சேர்க்கவும். 6. நன்கு கலக்கவும். இதில், நாம் முன்பு கலந்து வைத்த மைதா மாவு + சோள மாவுக் கலவையை ¼ கப் சேர்த்து முதலில் கலக்கவும். பின்பு, இதே போல ¼ கப் மாவு சேர்த்து, கலந்தவுடன், அடுத்த ¼ கப் மாவை சேர்த்து கலக்க வேண்டும்.

மாவு முழுவதும் இந்த முறைப்படியே கலக்க வேண்டும். இந்த கரைத்த மாவை, நான்காகப் பிரித்து, அதில் ஒவ்வொன்றிலும் ஒரு வண்ணத்தைச் சேர்த்து கலக்கவும். ஒரு மஃபின் பானில், மஃபின் லைனர் எனப்படும் தாளை வைத்து, ஒரு டேபிள் ஸ்பூன் அளவுக்கு ஒவ்வொன்றாக, 4 நிற மாவையும் ஊற்ற வேண்டும். அவனை 1800Cஅளவுக்கு ப்ரி ஹீட் செய்து, அதில் மஃபினை 20 நிமிடங்கள் வரை பேக் செய்யவும். ஒரு கத்தியை உள்ளே விட்டால், ஒட்டாமல் சுத்தமான கத்தி வெளி வந்தால், மஃபின் தயாராகி விட்டதாக அர்த்தம். 10 நிமிடங்கள் பானில் விட்டு, பிறகு மஃபினை வயர் ராக்கில் ஆற வைக்க வேண்டும்.