SUN குழுமத்திலிருந்து வெளிவரும் காலை நாளிதழ்

திருவாரூர் கோயிலில் திருவாதிரை திருவிழா

2013-12-18@ 12:32:11

ஆயிரக்கணக்கான பக்தர்கள் தரிசனம்

திருவாரூர் தியாகராஜர் கோயிலில் இன்று திருவாதிரை திருவிழா விமரிசையாக நடைபெற்றது. தியாகேச பெருமானுக்கு நேற்று மாலை முசுகுந்த சகஸ்ரநாம  அர்ச்சனையும், இரவு 10மணி அளவில் சுவாமிக்கு திருவாதிரை மகா அபிஷேகமும் நடந்தது. தொடர்ந்து அதிகாலை 4 மணிக்கு பல்வேறு பொருட்களால் சிறப்பு  அபிஷேகம் நடந்தது. காலை 6 மணி முதல் தியாகராஜ பெருமான் பதஞ்சலி வியாக்ரபாத முனிவர்களுக்கு பாத தரிசனம் அருளும் நிகழ்ச்சியும், 7மணி அளவில்  நடராஜபெருமான் தரிசனமும் நடந்தது. இதையொட்டி ஆயிரக்கணக்கான பக்தர்கள் அதிகாலை 4 மணி முதல் நீண்ட வரிசையில் காத்து நின்று சாமி தரிசனம்  செய்தனர். இதற்கான ஏற்பாடுகளை கோயில் உள்துறை கட்டளை பரம்பரை அறங்காவலர் தியாகராஜன் மற்றும் உதவி ஆணையர் ரத்தினவேல், செயல்  அலுவலர் ஜெயக்குமார் மற்றும் அலுவலர்கள் செய்திருந்தனர். விழாவையொட்டி பலத்த போலீஸ் பாதுகாப்புக்கு ஏற்பாடு செய்யப்பட்டிருந்தது.

ராமேஸ்வரம் ராமநாதசுவாமி கோயில் ஆருத்ரா தரிசன திருவிழாவை முன்னிட்டு இன்று அதிகாலை கோயில் நடை திறக்கப்பட்டது. 3ம் பிரகாரத்தில்  அமைந்துள்ள நடராஜர் சன்னதியில் 4 மணிக்கு சுவாமிக்கு சந்தனம், பால், பண்ணீர் அபிஷேகங்கள் நடந்தது. 5 மணிக்கு திரைவிலகும் நிகழ்ச்சிகள் துவங்கியது.  முதலாவதாக கணபதி பூஜை செய்து மூலாதாரம் திரை விலக்கப்பட்டது. பின் பிரம்மா, சரஸ்வதி, பூஜை செய்து வசதிஷ்டானம், மகாலெட்சுமி, விஷ்ணு பூஜை  செய்து அஞ்சை திரை விலக்கப்பட்டது. பின் மகாலெட்சுமி, கன்னிகா பூஜை செய்து அனைத்து திரைகளும் விலக்கப்பட்டு நடராஜர் ஆருத்ரா தரிசனம் தந்து  பக்தர்களுக்கு அருள்பாலித்தார். மூன்றாம் பிரகாரத்தில் வலம் வந்த மாணிக்கவாசகர் எதிர்சேவை செய்து நடராஜரின் ஆருத்ரா தரிசனத்தை கண்டார். தொடர்ந்து  நடராஜர், சிவகாமி அம்பாளுக்கு சிறப்பு அபிஷேக ஆராதனைகள் செய்யப்பட்டது. ஏராளமான பக்தர்கள் ஆருத்ரா தரிசனத்தை கண்டுகளித்தனர்.

பொருத்தமான வரன் தேடுகிறீர்களா? தமிழ்மேட்ரிமோனியில் பதிவு இலவசம்!

மேலும் செய்திகள்

Like Us on Facebook Dinkaran Daily News
  • mbbs_bds_11

    எம்பிபிஎஸ், பிடிஎஸ் படிப்புகளுக்கு முதல் நாளில் 8,349 விண்ணப்பங்கள் விநியோகம்

  • bulletRAILCHINAsdrder

    மணிக்கு 400 கிமீ வேகத்தில் செல்லும் புதிய அதிவேக புல்லட் ரயில் சீனாவில் அறிமுகம்!

  • WaterONMARSMMANS

    செவ்வாய் கிரகத்தில் தண்ணீர் இருந்ததற்கான ஆதாரங்களை நாசாவின் ரோவர் கண்டுபிடித்துள்ளது

  • SPANfporestTREEDGT

    ஸ்பெயின் நாட்டில் ஏற்பட்ட காட்டு தீயினால் 150 ஏக்கர் வனப்பகுதி தீயில் எரிந்து சாம்பலானது

  • flood_kuttralam

    குற்றாலத்தில் தொடர் சாரலால் வெள்ளப்பெருக்கு : மெயினருவி, ஐந்தருவியில் குளிக்க தடை

படங்கள் வீடியோ கல்வி சினிமா ஜோ‌திட‌ம்