SUN குழுமத்திலிருந்து வெளிவரும் காலை நாளிதழ்

சிவபெருமானின் கதையை விளக்கும் வகையில் கைலாசநாதர் தலையில் மண்சட்டி சுமந்து வீதியுலா

2019-09-09@ 15:57:40

காரைக்கால்: புட்டுக்கு மண் சுமந்த சிவபெருமானின் கதையை விளக்கும் வகையில், ஆவணிமாத மூல நட்சத்திரமான செவ்வாய் கிழமை காரைக்கால் கைலாசநாதர் தலையில் மண் சட்டி சுமந்து வீதியுலா செல்லும் நிகழ்ச்சி சிறப்பாக நடைபெற்றது. புராணகாலத்தில் ஆற்றில் ஏற்பட்ட உடைப்பை சரிசெய்ய, வீட்டுக்கு ஒரு ஆள் அனுப்ப வேண்டும் என்ற நிலையில், புட்டு செய்து பிழைப்பு நடத்திவந்த மூதாட்டி ஒருவரால், ஆள் அனுப்ப முடியாமல் தவித்தபோது, சிவபெருமான் அந்த மூதாட்டியிடம் சென்று உங்களுக்காக தான் மண் சுமப்பதாகவும், அதற்கு கூலியாக புட்டு வழங்குமாறு கோரினராம். பிறகு வேலை செய்யும் போது விளையாடி, பிரம்பு அடிப்பட்டு, பின்னர், ஒரு பிடி மண்ணை அள்ளிபோட்டபோது ஆற்றின் உடைப்பு சரியானதாக வரலாறு.

அந்த வராலாற்று நிகழ்வை சித்தரிக்கும் வகையில், காரைக்கால் கைலாசநாதர் கோயிலில் நேற்று நடைபெற்ற விழாவில், சுந்தரம்பாள் சமேத கைலாசநாதர் தலையில் மண்சட்டி சுமந்து செல்லும் நிகழ்ச்சி நடைபெற்றது. விழாவில் கலந்து கொண்ட ஏராளமான பக்தர்களுக்கு புட்டு மற்றும் பிரசாதங்கள் வழங்கப்பட்டது. விழா ஏற்பாடுகளை கோவில் அறங்காவல் குழுவினர் மற்றும் ஊழியர்கள் சிறப்பாக செய்திருந்தனர்.


மேலும் செய்திகள்

Like Us on Facebook Dinkaran Daily News
  • flood18

    இத்தாலியில் ஒரே வாரத்தில் 3வது முறையாக வெள்ளப்பெருக்கு: பொதுமக்களின் இயல்பு வாழ்க்கை பாதிப்பு

  • fire18

    மேகாலயாவில் நூற்றாண்டு பழமையான தேவாலயத்தில் பயங்கர தீ விபத்து: 2 பேர் பலி, ஏராளமான பொருட்கள் சேதம்

  • light18

    கிறிஸ்துவ பண்டிகை: பாரிஸில் கடல் உயிரினங்கள் வடிவில் அமைக்கப்பட்ட பிரமாண்டமான விளக்குகளின் தொகுப்பு

  • snow18

    சீனாவில் கடும் பனிப்பொழிவுடன் வீசிய அதிவேக காற்று: பனிமூட்டத்தால் போக்குவரத்து பாதிப்பு

  • 18-11-2019

    18-11-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்