SUN குழுமத்திலிருந்து வெளிவரும் காலை நாளிதழ்

காணிப்பாக்கம் கோயில் பிரமோற்சவத்தின் 6ம் நாள் கஜ வாகனத்தில் விநாயகர் பவனி

2019-09-09@ 14:02:26

சித்தூர்: காணிப்பாக்கம் கோயில் பிரமோற்சவத்தின் 6ம் நாளில் கஜ வாகனத்தில் விநாயகர் பவனி வந்து பக்தர்களுக்கு அருள்பாலித்தார். இதில் பக்தர்கள் திரண்டு சிறப்பு வழிபாடு செய்தனர்.சித்தூர் அடுத்த காணிப்பாக்கத்தில் உள்ள சுயம்பு வரசித்தி விநாயகர் கோயிலில் கடந்த 3ம் தேதி கொடியேற்றத்துடன் பிரமோற்சவம் தொடங்கியது. தொடர்ந்து, 21 நாட்கள் பிரமோற்சவம் நடக்கிறது. பிரமோற்சவத்தையொட்டி காலை, இரவு என இரண்டு வேளையும் தனித்தனி வாகனத்தில் விநாயகர் எழுந்தருளி நான்குமாட வீதியில் உலா வந்து பக்தர்களுக்கு அருள்பாலித்து வருகிறார்.
இந்நிலையில், பிரமோற்சவத்தின் 6வது நாளான நேற்று காலை மூலவருக்கு சிறப்பு அபிஷேக, அலங்கார, தீபாராதனை நடந்தது. இதையடுத்து அலங்கரிக்கப்பட்ட கஜ வாகனத்தில் விநாயகர் எழுந்தருளி மேளதாளம் முழங்க நான்குமாட வீதியில் பவனி வந்து பக்தர்களுக்கு அருள்பாலித்தார்.
வீதி உலாவில் பக்தர்கள் கோலாட்டம் ஆடியபடியும், பஜனைகள் பாடியபடியும் கலந்துகொண்டனர்.இதில் வன்னிய நாயக்கர் குலத்தை சேர்ந்தவர்கள் பூஜை செய்து கஜ வாகனத்தை தொடங்கி வைத்தனர். இதில் ஏராளமான பக்தர்கள் திரண்டு கற்பூர ஆரத்தி எடுத்தும், தேங்காய் உடைத்தும் பக்தர்கள்சுவாமி தரிசனம் செய்தனர். இன்று ரத உற்சவம் நடக்கிறது.மேலும், இக்கோயிலில் வார விடுமுறை நாட்களில் வெளி மாநிலம், வெளி மாவட்டத்தில் இருந்து ஆயிரக்காணக்கான பக்தர்கள் நீண்ட நேரம் காத்திருந்து சுவாமி தரிசனம் செய்வது வழக்கம். நேற்று விடுமுறை நாளில் ஏராளமான பக்தர்கள் வெகுநேரம் காத்திருந்து சுவாமி தரிசனம் செய்தனர்.

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்