SUN குழுமத்திலிருந்து வெளிவரும் காலை நாளிதழ்

காவேரிப்பாக்கம் அருகே மகாசக்தி அன்னியம்மன் கோயில் தேர் திருவிழா

2019-09-05@ 14:22:08

காவேரிப்பாக்கம், : காவேரிப்பாக்கம் அடுத்த சேரிஐயம்பேட்டை கிராமத்தில் மகாசக்தி அன்னியம்மன் கோயிலில் ஆவணி மாத தேர் திருவிழா கடந்த மாதம் 27ம் தேதி தொடங்கியது. 9ம் நாளான நேற்று தேர் திருவிழா நடந்தது. இதையொட்டி காலை அம்மனுக்கு சிறப்பு அபிஷேக, ஆராதனைகள் நடந்தது. தொடர்ந்து முன்னாள் ஊராட்சி தலைவர் அரிதாஸ் தேரை வடம்பிடித்து இழுத்து விழாவை தொடங்கி வைத்தார். அப்போது விரதமிருந்த பக்தர்கள் தொடர்ந்து தேரை இழுத்துச் சென்றனர்.

மாலை சேரிஐயம்பேட்டை பகுதியில்  இருந்து  உப்பரந்தாங்கல் கிராமம் வரை பக்தர்கள் எல்லை ஓடும்  நிகழ்ச்சி நடந்தது. பின்னர், விரதமிருந்த பக்தர்கள் முதுகில் அலகு குத்தியும், அந்தரத்தில் தொங்கியும், அம்மனுக்கு மாலை அணிவித்து நேர்த்திக்கடன் செலுத்தினர். இதில், சுற்றுப்புற கிராமங்களை சேர்ந்த திரளான பக்தர்கள் கலந்துகொண்டு சுவாமி தரிசனம் செய்தனர். இரவு வாண வேடிக்கை, நாட்டுப்புற கலைஞர்களின் கலை நிகழ்ச்சிகள் நடைபெற்றது.  இவ்விழாவின் இறுதி நாளான நாளை மஞ்சள் நீராட்டு விழா நடைபெறுகிறது.

மேலும், தேர் திருவிழாவை முன்னிட்டு சுமார் ₹7 லட்சம் மதிப்பீட்டில் புதிய தேர் உருவாக்கப்பட்டது. இந்தத் தேரில் மகா சக்தி அன்னியம்மன் வீதி உலா வரும்போது பக்தர்கள் சுவாமி மீது மிளகு  வாரி இரைத்தால்  மனித உடம்பில் உள்ள மருக்கள் நீங்கிவிடும் என்பது பக்தர்களின் ஐதீகமாக  இருந்து வருகின்றன.

மேலும் செய்திகள்

Like Us on Facebook Dinkaran Daily News
  • 23-02-2020

    23-02-2020 இன்றைய சிறப்பு படங்கள்

  • theepam2020

    மகாசிவராத்திரியை முன்னிட்டு தி.மலை கோவிலில் ஸ்ரீ லிங்கோத்பவருக்கு சிறப்பு அபிஷேகம்

  • 22-02-2020

    22-02-2020 இன்றைய சிறப்பு படங்கள்

  • UkraineCoronaProtest

    கொரோனாவால் பாதிக்கப்பட்டுள்ள சீனாவில் இருந்து மக்களை அழைத்து வந்ததற்கு எதிர்ப்பு: உக்ரைனில் வெடித்தது போராடடம்!

  • puthu2020

    அமெரிக்க அதிபர் ட்ரம்ப் தங்குவதற்காக டெல்லி மௌரியா ஹோட்டலில் ஆடம்பரமாகத் தயார் செய்யப்பட்டுள்ள பிரெசிடென்ட் சூட்!!

படங்கள் வீடியோ கல்வி சினிமா ஜோ‌திட‌ம்