SUN குழுமத்திலிருந்து வெளிவரும் காலை நாளிதழ்

நெல்லை சந்திப்பு குறுக்குத்துறை முருகன் கோயில் ஆவணி திருவிழா கொடியேற்றம் : செப். 12ல் தேரோட்டம்

2019-09-04@ 14:03:31

நெல்லை:  நெல்லை சந்திப்பு குறுக்குத்துறை சுப்பிரமணிய சுவாமி கோயிலில் ஆவணித்திருவிழா கொடியேற்றத்துடன் துவங்கியது. வரும் 12ம் தேதி தேரோட்ட வைபவம் நடக்கிறது.வற்றாத ஜீவநதியாம் தன்பொருநை பாய்ந்து வளம்கொழிக்கும் நெல்லையில் சந்திப்பு குறுக்குத்துறை பகுதியில் ஆற்றின் மையத்தில் முருகப்பெருமான் வள்ளி, தெய்வானையுடன் வீற்றிருந்து அருள்பாலிக்கும் குடைவறை கோயிலாக சுப்பிரமணிய சுவாமி கோயில் திகழ்கிறது.திருவாவடுதுறை ஆதீனத்திற்கு பாத்தியப்பட்ட இக்கோயிலில் ஆண்டுதோறும் கந்தசஷ்டி திருவிழா, வைகாசி விசாக திருவிழா உள்ளிட்ட பல்வேறு திருவிழாக்கள் வெகுவிமரிசையாக நடந்து வருகின்றன. இதில் தனித்துவமிக்க  ஆவணி திருவிழா நேற்று  காலை கொடியேற்றத்துடன் துவங்கியது.

நேற்று காலை 8.40 மணிக்கு மேல் கொடியேற்றத்தைத் தொடர்ந்து கொடிமரத்திற்கு சிறப்பு அலங்கார பூஜைகள் நடந்தன. இதையடுத்து மஹா தீபாராதனையை ஏராளமானோர் தரிசித்தனர். திருவிழா நாட்களில் தினமும் சுவாமிக்கு சிறப்பு அபிஷேக அலங்கார தீபாராதனையும், காலை, மாலை சுவாமி வீதியுலாவும் நடக்கிறது. வரும் 9ம் தேதி (திங்கட்கிழமை) அதிகாலை 5 மணிக்கு மேல் ஆறுமுகப்பெருமானுக்கு உருகு சட்ட சேவையும், மாலை 5 மணிக்கு தங்கசப்பரத்தில் சிகப்பு சாத்தி தரிசனமும் நடக்கிறது. 10ம் தேதி அதிகாலை 6 மணிக்கு மேல் வெள்ளை சாத்தியும், மாலை 6 மணிக்கு மேல் பச்சை சாத்தி தரிசனமும் நடைபெறும்.

 விழாவின் சிகரமான தேரோட்டை வைபவம் வரும் 12ம் தேதி (வியாழக்கிழமை) காலை 7.30 மணிக்கு மேல் நடக்கிறது. இதில் நெல்லை மற்றும் சுற்று வட்டாரத்தைச் சேர்ந்த பெண்கள் உள்ளிட்ட பக்தர்கள் திரளாகப் பங்கேற்று தேரை வடம்பிடித்து இழுத்து நிலையத்தில் சேர்க்கின்றனர். மறுநாள் (13ம் தேதி) தீர்த்தவாரியுடன் திருவிழா நிறைவுபெறுகிறது. ஏற்பாடுகளை திருவாவடுதுறை ஆதீன நெல்லை மண்டல பேஸ்கார் மற்றும் நிர்வாகிகள், பக்தர்கள் செய்து வருகின்றனர்.

மேலும் செய்திகள்

Like Us on Facebook Dinkaran Daily News
  • 07-12-2019

    07-12-2019 இன்றைய சிறப்பு படங்கள்

  • RioStarFerrisWheel

    பார்வையாளர்களுக்காக விரைவில் திறக்கப்படவுள்ள ரியோ டி ஜெனிரோவின் பிரம்மாண்ட ராட்டினம்: வியப்பூட்டும் புகைப்படங்கள்

  • ambedh_day11

    இந்திய அரசியல் சாசனத்தின் தந்தை டாக்டர் அம்பேத்கரின் நினைவு தினம்: குடியரசுத்தலைவர், பிரதமர் உள்ளிட்டோர் மரியாதை!

  • SydneyOrangeSky19

    ஆஸ்திரேலிய வனப்பகுதியில் ஏற்பட்ட தீயின் புகையால் ஆரஞ்சு நிறமாக காட்சியளிக்கும் சிட்னி வான் பகுதி: புகைப்படங்கள்

  • victoriafallsdry2019

    தென் ஆப்ரிக்காவில் நிலவும் வறட்சி: விக்டோரியா அருவியில் 25 ஆண்டுகளில் இல்லாத அளவில் குறைந்த தண்ணீர் வரத்து

படங்கள் வீடியோ கல்வி சினிமா ஜோ‌திட‌ம்