SUN குழுமத்திலிருந்து வெளிவரும் காலை நாளிதழ்

ஆத்ம ராகம் பாடுது...

2019-06-19@ 11:07:42

மனம்,வாக்கு,காயம் தவறிய
மனிதர் கையில் மலரே நீ
வாடி உதிர்வது சரியே!- ஆனால்
அகிலம் ஆளும் அம்மையப்பர்
முடிமீதும் வாடிவிடுவது ஏன்?
மலர்ந்தன வாடும், உதிரும்-உலகில்
பிறந்தன இறக்குமெனும் உயிர்
தத்துவம் பரமன் முடிமீதும்
மலர்கள் வாடிடும் காட்சி!
அனைத்துயிர்க்கும் ‘ஆத்மா’ ஒன்றுள்ளது
அழியாது பிறக்கும் இயல்புடையது
மலரின்  ‘ஆத்மா’ மறுபடி மலர்ந்து
பலவண்ண வடிவம் பெறுகிறது!
மனிதன்  ‘ஆத்மா’ மீண்டும்  பிறக்கும்
உருவம்மாறும்;  உள்ளொளி ஒன்றே!
முக்தியடையும் வரை ஆத்மா
மீண்டும் மீண்டும் பிறக்கும்-பக்தி
மார்க்கம் சிக்கெனப்பற்றி  பரமனை
மனதில் நினைந்துருகி வழிபட்டால்
முக்தி நிச்சயம்; வினைதீர்ந்த ‘ஆத்மா’
ஒளிவான் நிலவாய் நாதன் முடிமீதும்
மிளிரும் அம்பிகை பாதத்திலும்
துளிர் பிறவிகள் நீங்கி வாழும்!
வானத்து அரம்பயரை அடைவது
விதியானால் அடைவாய்!
கானகத்து குயிலாய் பிறக்க
விதியிருந்தால் பிறப்பாய்!
கையில் ஓடேந்தி சுற்றிதிரிவது
விதியானால் அது நடக்கும்!
இதனால் இது முடியுமென
இறைவன் வகுத்த சட்டம்!
இதை மாற்ற முயல்வது
மனிதனின் தவறான திட்டம்!
அரிதான ஒன்றை அடைவது
அரிதாகும்; தெய்வ ஆணையிது!
அளந்து நமக்கு கொடுத்திட்டான்
அனுபவித்து மன அமைதிபெறு!
ஆண்டவனை புகழ்ந்திடு-அவன்
அன்பை பெற வணங்கிடு!
அலங்கார தேகமதை  ‘நான்’
என்று சொல்ல வைக்கும்!
அடுத்தொரு நாள் மேனி அழிந்தால்
அற்பமாயை விட்டு விலகிவிடும்!

விஷ்ணுதாசன்

மேலும் செய்திகள்

Like Us on Facebook Dinkaran Daily News
  • madurai

    கொரோனா பரவலை தடுக்க நேற்று மக்கள் ஊரடங்கு: வெறிச்சோடிய மதுரை மாநகரம்

  • kurosiya

    கொரோனா தாக்குதலுக்கு மத்தியில் குரோஷியாவை உலுக்கிய கொடூர நிலநடுக்கம்...!இடிபாடுகளில் சிக்கி பலர் படுகாயம்!

  • medition2020

    சீனாவின் ஜாக் மா அறக்கட்டளை மூலம் நன்கொடையளித்த மில்லியன் கணக்கான மருத்துவ பொருட்கள், கிழக்கு ஆபிரிக்க நாடான எத்தியோப்பா விமான நிலையத்திற்கு வந்தடைந்தது!

  • in22222

    கொரோனா தாக்குதலை முன்னிட்டு இந்தியா முழுவதும் ஊரடங்கு உத்தரவு: மக்கள் நமாட்டம் இல்லாததால் வெறிச்சோடிய நகரங்கள்...! புகைப்படங்கள்

  • india2020

    கொரோனா வைரஸ் எதிரொலி: இந்தியாவில் ஊரடங்கு உத்தரவை தொடர்ந்து பணியில் ஈடுபட்டுள்ளவர்களுக்கு பொதுமக்கள் கைத்தட்டி நன்றி தெரிவித்தனர்

படங்கள் வீடியோ கல்வி சினிமா ஜோ‌திட‌ம்