SUN குழுமத்திலிருந்து வெளிவரும் காலை நாளிதழ்

தாராபுரம் மாரியம்மன் கோயில் திருவிழா

2019-04-16@ 14:49:33

தாராபுரம்: திருப்பூர் மாவட்டம் தாராபுரத்தில் பிரசித்தி பெற்ற மாரியம்மன் கோயில் உள்ளது. இந்த கோயிலின் பூச்சாட்டு திருவிழா கடந்த மாதம் 26ம் தேதி இரவு கம்பம் நடும் நிகழ்ச்சியுடன் தொடங்கியது. பக்தர்கள் அமராவதி ஆற்றங்கரைக்கு சென்று தீர்த்தம் எடுத்து ஊர்வலமாக வந்து அம்மனுக்கு தீர்த்தம் செலுத்தினர். பிறகு பக்தர்கள் அலகு குத்தியும் பூவோடு எடுத்தும் அம்மனை தரிசித்து வந்தனர். தினமும் அம்மனுக்கு சிறப்பு அபிஷேகம், அலங்காரம் செய்யப்பட்டு நகர்வலம் நடந்தது.   பக்தர்கள் அம்மனுக்கு பொங்கல் படையலிட்டு சிறப்பு வழிபாடு நடத்தினர். இதன் தொடர்ச்சியாக நிறைவு நாளான நேற்று அலங்கார வாகனத்தில் வடதாரை காமராஜ புரத்திலிருந்து தாரை, தப்பட்டை, மேளங்கள் முழங்க மாரியம்மன் உற்சவசிலை ஊர்வலமாக எடுத்துவரப்பட்டது.
 
நூற்றுக்கணக்கான பெண் பக்தர்கள் புத்தாடை அணிந்து தேன்,தினைமாவு கலந்து இனிப்பு மாவு செய்து அதில் வண்ணமயமான அலங்கார விசிறிகளை குத்தி, மாவில் நெய்விளக்கு ஏற்றிய தட்டுகளை ஏந்தியவாறு குலவையிட்ட வண்ணம் அம்மன் உற்சவ ஊர்வலத்தை பின் தொடர்ந்தனர். கோயில் வளாகத்தை அம்மன் ஊர்வலம் சென்றடைந்ததும் சிறப்புபூஜைகள் நடைபெற்றது.தொடர்ந்து மழை வேண்டியும், காடு,கழனிகள் செழித்து வாழ்க்கை வளம் பெறவும், துஷ்ட தேவதைகள் ஊரைவிட்டு வெளியேறி மக்கள் நோய் நொடியற்று வாழவும் வேண்டி பாரம்பரிய முறையில் கும்மியடித்து வழிபட்டனர்.

மேலும் செய்திகள்

Like Us on Facebook Dinkaran Daily News
  • KimHorseRide1610

    பயேக்டு பனிமலைகளுக்கு இடையே வெள்ளைக் குதிரையில் பவனி வந்த வடகொரிய அதிபர் கிம் ஜாங் உன்: புகைப்படத்தொகுப்பு

  • NASASpaceSuit

    நிலவு பயணத்தில் பங்கேற்கும் விண்வெளி வீரர்களுக்கான 2 நவீன விண்வெளி உடைகள்: நாசா அறிமுகம்- புகைப்படங்கள்

  • AirQualityDelhi1610

    அண்டை மாநிலங்களில் எரிக்கப்படும் வேளாண் கழிவுகளால் டெல்லியில் நாளுக்கு நாள் அதிகரிக்கும் காற்று மாசு: புகைப்படங்கள்

  • CatalanSpainProtest

    கட்டலான் தலைவர்களின் சிறைத்தண்டனைக்கு எதிர்ப்பு..: ஸ்பெயினின் பல்வேறு இடங்களில் வெடித்தது போராட்டம்!

  • LebanonWildFire1610

    கடுமையான வெப்பம் மற்றும் அனல் காற்றினால் லெபனானில் வரலாறு காணாத காட்டுத்தீ..: சர்வதேச நாடுகள் உதவ கோரிக்கை!

படங்கள் வீடியோ கல்வி சினிமா ஜோ‌திட‌ம்