SUN குழுமத்திலிருந்து வெளிவரும் காலை நாளிதழ்

வீர அழகர் கோயில் சித்திரை விழா துவக்கம் : ஏப்.19ல் ஆற்றில் இறங்கும் அழகர்

2019-04-16@ 14:46:24

மானாமதுரை: மானாமதுரை வீரஅழகர் கோயில் சித்திரை திருவிழா நேற்று காப்புக்கட்டுதலுடன் துவங்கியது. வரும் 19ம் தேதி அழகர் ஆற்றில் இறங்குகிறார். மதுரையில் அழகர் கோயிலில் நடக்கும் சித்திரை திருவிழாவை போன்றே மானாமதுரை அழகர் கோயிலிலும் சித்திரை திருவிழா பத்து நாட்கள் நடக்கிறது. தினமும் அழகர் கருடன், யானை, ஹனுமார், சேஷ வாகனத்தில் பல்வேறு சமூக மண்டகப்படிகளில் எழுந்தருளுவார். இந்தாண்டு அழகர்கோயில் சித்திரை திருவிழா நேற்று அதிகாலை அனுக்ஞை பூஜையுடன் துவங்கியது. மூலவரான சவுந்திரராஜ பெருமாள், சவுந்திரவள்ளி தாயாருக்கு திருமஞ்சனம் சிறப்பு அபிஷேகங்கள் நடந்தது.

பின்னர் உற்சவரான வீரஅழகர், ஸ்ரீதேவி, பூதேவியர்களுக்கும் சிறப்பு அபிஷேகங்கள் நடத்தப்பட்டு சிறப்பு அலங்காரம் செய்யப்பட்டது. பின்னர் மூலவர் சன்னதி எதிரே உள்ள சுந்தரபாண்டியன் குரட்டிற்கு வீரஅழகர் தேவியர்களுடன் எழுந்தருளினார். காலை 5.50 மணிக்கு மூலவருக்கும், உற்சவருக்கும் மஞ்சள்க யிறால் காப்பு அணிவிக்கப்பட்டு சிறப்பு பூஜைகள் நடந்தன.

அதன்பின் கோயில் காவல் தெய்வமான பதினெட்டாம்படி கருப்பருக்கு சிறப்பு பூஜைகள் செய்து பொங்கலிட்டு சிறப்பு வழிபாடு செய்யப்பட்டது. விழாவில் கீழ கொம்புக்காரனேந்தல், மானாமதுரை கிராமத்தார்கள், வளநாடு, வண்ணாங்குளம் உள்ளிட்ட திருவிழா மண்டகப்படிதாரர்கள், பேரூராட்சி அலுவலர்கள் கலந்து கொண்டனர். முக்கிய நிகழ்ச்சியான கள்ளழகர் திருக்கோலத்துடன் அழகர் எதிர்சேவை நிகழ்ச்சி ஏப்.18ம் தேதியும், அழகர் வைகை ஆற்றில் இறங்கும் நிகழ்ச்சி ஏப்.19ம் தேதி அதிகாலை 6.30 மணிக்குள் நடக்கிறது.

மேலும் செய்திகள்

Like Us on Facebook Dinkaran Daily News
  • newyork

    நியூயார்க்கில் 25 மாடி கட்டிடங்களுக்கு இடையே கட்டப்பட்ட கயிற்றில் நடந்து சாகசம்: ஆச்சர்யத்தில் மக்கள்!

  • singaporebirds

    சிங்கப்பூரில் பறவைகளுக்கான பாடும் போட்டி: மனிதர்கள் பாடுவதை போன்று பிரதிபலித்த மெர்பொக் புறாக்களின் இசை

  • turkey

    துருக்கியில் மேயர் பதவிக்காக நடந்த மறுதேர்தலில் எதிர்க்கட்சி வேட்பாளர் வெற்றி: உற்சாக வரவேற்பு அளித்த மக்கள்

  • climate

    ஜெர்மனியில் பருவநிலை மாறுபாட்டை கண்டித்து நிலக்கரி சுரங்கத்தை முற்றுகையிட்ட போராளிகள்!

  • 25-06-2019

    25-06-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்