SUN குழுமத்திலிருந்து வெளிவரும் காலை நாளிதழ்

புவனகிரி ராகவேந்திரர் கோயிலில் அவதார தினவிழா

2019-03-14@ 14:56:02

புவனகிரி: கடலூர் மாவட்டத்தில் உள்ள புவனகிரியில் ராகவேந்திர சுவாமிகள் பிறந்தார். அவர் பிறந்த ஊரான புவனகிரியில் பிறந்த இடத்தில் ராகவேந்திரர் அவதார கோயில் உள்ளது. இக்கோயிலில் ஆண்டுதோறும் ராகவேந்திரரின் அவதார தின விழா உற்சாகமாக கொண்டாடப்படும். இந்த ஆண்டு 424வது அவதார தினவிழா நேற்று கொண்டாடப்பட்டது. இதையொட்டி நேற்று காலையில் ராகவேந்திரருக்கு சுப்ரபாதம் மற்றும் ஸ்தோத்திர பாராயணத்தை தொடர்ந்து நிர்மால்ய அபிஷேகம் நடந்தது. இதையடுத்து 108 பால்குட ஊர்வலம் நடந்தது. இந்த ஊர்வலம் கோயிலை வந்தடைந்தவுடன், ராகவேந்திரருக்கு பாலாபிஷேகமும், பஞ்சாமிர்த அபிஷேகமும் நடைபெற்றது.

பின்னர் மலர் அலங்காரம் நடந்ததையடுத்து, ராகவேந்திரர் மலர் அலங்காரத்தோடு பக்தர்களுக்கு காட்சியளித்தார். இதையடுத்து மதியம் சிறப்பு தீபாராதனை நிகழ்ச்சி நடைபெற்றது. இதில் உள்ளூரில் இருந்தும் வெளியூர்களில் இருந்தும், வெளி மாநிலங்களில் இருந்தும் ஏராளமான பக்தர்கள் பங்கேற்று சாமி தரிசனம் செய்தனர். பின்னர் அவர்களுக்கு கோயில் சார்பில் பிரசாதம் வழங்கப்பட்டது. ராகவேந்திரர் அவதார தினத்தையொட்டி ஐயப்ப சேவா சங்கம் சார்பில் அன்னதான நிகழ்ச்சி நடந்தது. இதில் ஏராளமானோர் பங்கேற்று உணவு சாப்பிட்டனர். விழாவிற்கான ஏற்பாடுகளை ராகவேந்திரர் சுவாமிகள் புனித தொண்டு அறக்கட்டளை நிர்வாகிகள் செய்திருந்தனர்.

மேலும் செய்திகள்

Like Us on Facebook Dinkaran Daily News
  • mo

    அமெரிக்க வெளியுறவுத்துறை அமைச்சர் மைக் பாம்பியோ பிரதமர் நரேந்திர மோடியுடன் சந்திப்பு

  • 4l

    ஓரின சேர்க்கை உரிமைகள் இயக்கத்திற்கான 50 வது ஆண்டு விழா கொண்டாட்டம்

  • c1

    ஈராக் போரில் துணிச்சலுடன் செயல்பட்ட வீரருக்கு அதிபர் டொனால்ட் டிரம்ப் பதக்கம் வழங்கினார்

  • b

    இடம்பெயருதலை தடுக்க அமெரிக்கா,மெக்ஸிகோ இடையிலான எல்லையில் 15,000 தேசிய பாதுகாப்பு படையினர் குவிப்பு

  • to1

    குஷ்னரின் மத்திய கிழக்கு சமாதான திட்டத்திற்கு எதிராக பாலஸ்தீனியர்கள் அணிவகுப்பு

படங்கள் வீடியோ கல்வி சினிமா ஜோ‌திட‌ம்