SUN குழுமத்திலிருந்து வெளிவரும் காலை நாளிதழ்

சேரன்மகாதேவி வெங்கடாசலபதி கோயிலில் ரத சப்தமி தீர்த்தவாரி

2019-02-13@ 16:04:55

வீரவநல்லூர்:  சேரன்மகாதேவி அப்பன் வெங்கடாசலபதி கோயிலில் ரத சப்தமியை முன்னிட்டு தீர்த்தவாரி விழா நடந்தது. சேரன்மகாதேவி தாமிரபரணி நதிக்கரையில் அப்பன் வெங்கடாஜலபதி கோயில் அமைந்துள்ளது. இந்த கோயிலில் ஆண்டுதோறும் ரத சப்தமியை முன்னிட்டு பெருமாள் தீர்த்தவாரி விழா நடைபெறுவது வழக்கம். இந்த ஆண்டிற்கான ரத சப்தமி தீர்த்தவாரி விழா நேற்று நடந்தது. இதையொட்டி காலை 7 மணிக்கு சுவாமிக்கு சிறப்பு பூஜை நடந்தது. தொடர்ந்து 10 மணிக்கு திருமஞ்சன அபிஷேகமும், 11.30 மணிக்கு தாமிரபரணி ஆற்றில் பெருமாள் தீர்த்தவாரி வைபவமும் நடந்தது.

தீர்த்தவாரியின்போது பக்தர்கள் தலை மற்றும் தோள்பட்டை போன்ற இடங்களில் எருக்கன் செடி இலையை வைத்து புனித நீராடினர். பெருமாள் தீர்த்தவாரியின் போது எருக்கன்செடி இலையில் மஞ்சள் மற்றும் அட்சதையை வைத்து புனித நீராடும் போது ஆரோக்கியம் மற்றும் செல்வம் கொழிக்கும் என்பது ஐதீகமாகும்.

மதியம் 1 மணிக்கு சாற்றுமுறை தீர்த்தம் முடிந்து பக்தர்களுக்கு அன்னதானம் வழங்கப்பட்டது. இரவு 7 மணியளவில் பெருமாள் திருவீதி உலா நடந்தது.
இதில் பக்தர்கள் திரளானோர் கலந்துகொண்டு பெருமாளை தரிசனம் செய்தனர். ஏற்பாடுகளை அப்பன் வெங்கடாசலபதி பக்த கைங்கர்ய சபா நிர்வாகிகள் செய்திருந்தனர்.

மேலும் செய்திகள்

Like Us on Facebook Dinkaran Daily News
  • 23-08-2019

    23-08-2019 இன்றைய சிறப்பு படங்கள்

  • mamtateashop

    மேற்குவங்க கிராமத்தின் டீ கடையில் முதல்வர் மம்தா பானர்ஜி: தேநீர் தயாரித்து மக்களுக்கு வழங்கிய காட்சிகள்!

  • chidambaramprotest

    ப.சிதம்பரம் கைது செய்யப்பட்டதை கண்டித்து சென்னையில் பேரணி நடத்த முயன்ற காங்கிரஸ் தொண்டர்கள் கைது!

  • delhiprotest22

    காஷ்மீரில் சிறை வைக்கப்பட்டுள்ள தலைவர்களை விடுவிக்கக்கோரி டெல்லியில் திமுக உள்ளிட்ட 14 கட்சிகள் ஆர்ப்பாட்டம்: புகைப்படங்கள்

  • sandisreal

    இஸ்ரேலில் சர்வதேச மணற்சிற்ப கண்காட்சி: புகழ்பெற்ற animation கதாபாத்திரங்களை வடிவமைத்த கலைஞர்கள்

படங்கள் வீடியோ கல்வி சினிமா ஜோ‌திட‌ம்