SUN குழுமத்திலிருந்து வெளிவரும் காலை நாளிதழ்

ராகு பகவான் கடகத்தில் இருந்து மிதுனத்திற்கு இடம் பெயர்ந்தார்

2019-02-13@ 14:21:47

திருவிடைமருதூர்: ராகுபெயர்ச்சியையொட்டி திருநாகேஸ்வரம் நாகநாத சுவாமி கோயிலில் சிறப்பு அபிஷேகம், ஆராதனைகள் நடைபெற்றுவருகிறது. ராகு தோஷம் உள்ள ராசிக்காரர்கள், பக்தர்கள் பரிகாரம் செய்ய குவிந்து வருகின்றனர். ராகு பகவான் ஒன்றரை ஆண்டுக்கு ஒரு முறை ஒரு ராசியில் இருந்து மற்றொரு ராசிக்கு பின்னோக்கி நகர்வார். இந்நிகழ்வு தான் ராகு பெயர்ச்சியாகும். அந்த வகையில் ராகு பெயர்ச்சி இன்று நடைபெற்றது. ராகுபகவான் கடக ராசியிலிருந்து மிதுன ராசிக்கு மதியம் 1.24 மணிக்கு பெயர்ச்சி அடைந்தார். இதையொட்டி ராகு ஸ்தலமான தஞ்சை மாவட்டம் திருநாகேஸ்வரத்தில் நவக்கிரக தலமான நாகநாதசுவாமி கோயிலில் ராகு பெயர்ச்சி விழா நடைபெற்று வருகிறது.   

ராகுபெயர்ச்சியை முன்னிட்டு நேற்று முன்தினம் காலை 6 மணிக்கு முதற்கால யாக பூஜையுடன் ராகுபெயர்ச்சி விழா துவங்கியது. தொடர்ந்து நேற்று காலை 8 மணிக்கு இரண்டாம் காலமும், மாலை 3ம் கால பூஜைகளும் நடந்தது.  இன்று காலை 8 மணிக்கு யாகசாலை பூஜை ஆரம்பித்து 12மணிக்கு மேல் நான்காம் கால யாகசாலை பூஜை நடந்தது. அப்போது மஹாபூர்ணாஹுதி தீபாராதனை நடைபெற்றது. இதையொட்டி ராகு பகவானுக்கு திரவியபொடி, மாபொடி, தேன், இளநீர், மஞ்சள், தயிர் உள்ளிட்ட பல்வேறு நறுமண பொருட்களால் அபிஷேகம் நடந்தது. பின்னர் சிறப்பு மிக்க பால் அபிஷேகம்  நடைபெற்றது. தொடர்ந்து சந்தன அபிஷேகம் நடந்து  மேளதாளங்கள் முழங்க கடம்புறப்பாடு நடைபெற்று ராகுபகவானுக்கு மகாஅபிஷேகம் நடந்தது.

பின்னர் சிறப்பு மலர் அலங்காரம் செய்விக்கப்பட்டது. சரியாக மதியம் 1.24 மணிக்கு தங்ககவசம் சாத்தப்பட்டு  ராகுபகவான் கடக ராசியிலிருந்து மிதுன ராசிக்கு பெயர்ச்சி அடையும் நேரமான மதியம் 1.24மணிக்கு மகாதீபாராதனை நடைபெற்றது.  இதில் தமிழகம் மட்டுமல்லாமல் பல்வேறு பகுதிகளில் இருந்து பல ஆயிரகணக்கான பக்தர்கள் கலந்துகொண்டு நீண்டவரிசையில் காத்திருந்து ராகுபகவானை தரிசித்து வருகின்றனர். ராகுவின் மேனியில் பாலாபிஷேகம் செய்யும் போது பால் நீலநிறமாக மாறுவது இக்கோயிலில் தனிச்சிறப்பாகும்.

மேலும் செய்திகள்

Like Us on Facebook Dinkaran Daily News
  • 23-05-2019

    23-05-2019 இன்றைய சிறப்பு பாடங்கள்

  • virat_koh11

    உலககோப்பை தொடரில் பங்கேற்க விராட் கோலி தலைமையிலான இந்திய அணி இங்கிலாந்து பயணம்

  • libya_sandai11

    தொடரும் உக்கிரமான தாக்குதல்கள் : லிபியாவில் ஆயுதக் குழுவினர் , அரசுப் படைகளுடன் கடும் துப்பாக்கிச் சண்டை

  • thuppaki-12jk

    13 பேரை காவு வாங்கிய தூத்துக்குடி துப்பாக்கிச்சூடு : ஓராண்டு நினைவலைகளை ஏந்தும் தமிழகம்

  • hurricane_12

    அமெரிக்காவை கலங்கடித்த தொடர் சூறாவளித் தாக்குதல் : மழை,வெள்ளத்தால் மக்களின் இயல்பு வாழ்க்கை முடக்கம்

படங்கள் வீடியோ கல்வி சினிமா ஜோ‌திட‌ம்