SUN குழுமத்திலிருந்து வெளிவரும் காலை நாளிதழ்

கருணைமிகு கருடாழ்வார்

2019-02-05@ 15:38:18

மாயவனே மனத்தூயவனே!
மான்நோக்கே சர்ப்பமாலையனே!
காவலனே சதுர் வேதியனே!
கோமகனே கொடிமரமே!
நாரணனே அவன் வாகனனே!
நாபிளந்த நாகரை காப்பவனே!
கூர்மதியே ஒளி விழியே!
வேர்குலமே பகை அழிப்பவனே!

* மல்லிகையே மரிக்கொழுந்தே!
செம்பட்டு விரும்பி அணிபவனே!
நெல் வருமே நற்சொல் வருமே!
மனதிடம் வருமே அமுதகுடம் வருமே!
தேனிசையே குரல் கோகிலமே!
கனிசுவையே கார்முகிலே!
கருணை கருடனை வணங்கிடவே
இல்லத்தில் நலம் சேர்ந்திடுமே!

* பெருமானே பெரிய திருவடியே!
பெரும் சிறகே அணிகலனே!
ருத்ரவனே சுகீர்த்தியனே!
சத்தியனே வைரமணிமுடியே!
மலைமேருவை உடைத்தெறிந்தவனே
இலங்கை நாட்டை தந்தவனே!
விஷம் முறிப்பவனே வெற்றி குவிப்பவனே!
விலையிலா மணியை கொண்டவனே!

* வைகுண்டனே பெரியாழ்வாரே!
உயரம் பறக்கும் கருடாழ்வாரே!
வாழ்வில் உயரம் தருபவனே
துயரம் துடைத்து அருள்பவனே!
குருவை குருவாய் பெற்றவனே”
குறையிலா செல்வம் சேர்ப்பவனே!
மறைகள் போற்றும் மாதவனே!
துவாரகை நகரின் காவலனே!

* சிறகுடையான் தெய்வ சீருடையான்!
மறமுடையான் மாமருந்துடையான்!
விறலுடையான் நல்ல குரலுடையான்!
திறலுடையான் அமைதி குணமுடையான்!
குழலுடையான் கூர் மதியுடையான்!
அழலுடையான் வசிய அழகுடையான்!
அறமுடையான் தாய் அன்புடையான்!
செம்மண் நிறமுடையான்!
வணங்கிட வாழ்த்திடுவான்!

* கருடன் கருணை பெற்றிடுவோம்!
அருணன் அன்பை வென்றிடுவோம்!

- விஷ்ணுதாசன்

மேலும் செய்திகள்

Like Us on Facebook Dinkaran Daily News
  • intelexopchina17

    சீனாவில் நடைபெற்ற சர்வதேச ஆட்டோமொபைல் எக்ஸ்போ: Audi உள்ளிட்ட நிறுவனங்களின் புதிய கார்கள் அறிமுகம்

  • 17-07-2019

    17-07-2019 இன்றைய சிறப்பு படங்கள்

  • DongriBuildingCollapse

    மும்பையில் 100 ஆண்டு பழமையான கட்டிடம் இடிந்து பெரும் விபத்து: 12 பேர் உயிரிழப்பு..மீட்பு பணிகள் தீவிரம்!

  • KyrgyzstanSlapping

    ஒருவரை ஒருவர் கன்னத்தில் பளார் பளாரென அறையும் வித்தியாசமான போட்டி: கிர்கிஸ்தானில் நடைபெற்றது!

  • ChangchunZoologicalPark

    உயிரியல் பூங்காவில் உள்ள மரங்களில் விலங்குகளை தத்ரூபமாக வரையும் கலைஞர்: ஆச்சரியமூட்டும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்