SUN குழுமத்திலிருந்து வெளிவரும் காலை நாளிதழ்

நோய் நீக்கும் தலங்கள் எவை?

2019-01-29@ 15:25:48

வைத்தீஸ்வரன் கோயில்: கும்பகோணம் அருகில் உள்ள மிக பிரசித்தி பெற்ற ஸ்தலம். இது செவ்வாய்க்குரிய பரிகார ஸ்தலமாகும். இறைவன் வைத்தியநாதனாக அருள்புரிகிறார். அம்பாள் பெயர் தையல் நாயகி. ரத்த சம்பந்தமான குறைபாடுகள், விபத்தினால் ஏற்பட்ட காயங்கள், முறிந்த எலும்பு நல்லபடி மீண்டும் கூட அறுவை சிகிச்சை சீராக அமைய இங்கு வந்து வழிபடலாம்.

மருந்தீஸ்வரர்: சென்னை திருவான்மியூரில் இக்கோயில் உள்ளது. இது ஓர் சர்வ ரோக நிவாரண ஸ்தலமாகும்.

வீரராகவர்: திருவள்ளூர் வைத்திய வீரராகவ பெருமாள் சகல வியாதிகளுக்கும் பரிகார ஸ்தலம். அமாவாசையில் தரிசனம் செய்து பிரார்த்தனை செய்யலாம். இங்குள்ள குளத்தில் வெல்லம் கரைக்க வியாதிகள் கரைந்து போகும்.

சுக்கிரேஸ்வரர்: சென்னை மயிலாப்பூர் வெள்ளீச்சரம் என்ற சிவஸ்தலம். இது சுக்கிர பரிகார ஸ்தலமாகும். கண் நோய் நீக்கி அருளும் ஸ்தலம். கண் அறுவை சிகிச்சை செய்தவர்கள் இங்கு வழிபட கண் பார்வை சீராகும். மேலும் சுக்கிர தோஷம் போக்கி திருமண வரம் அருளும் ஸ்தலம்.

மரகதலிங்கம்: திருப்போரூர், செங்கல்பட்டு மார்க்கத்தில் திருவடி சூலம் என்ற பழம்பெரும் ஆலயம் உள்ளது. இது ஞான சம்பந்தரால் பாடல் பெற்ற ஸ்தலமாகும். இங்குள்ள லிங்கம் மரகதக் கல்லினால் ஆனது. இது சகல வயிற்று உபாதைகளையும் நீக்கும் ஸ்தலம். இந்த லிங்கத்திற்கு அபிஷேகம் செய்து அந்த தீர்த்த பாலை அருந்த நோய் நீங்கும் கர்ப்பரட்சாம்பிகை: கும்பகோணம் அருகில் உள்ள திருக்கருகாவூர் ஆலயம் ரோக நிவாரண ஸ்தலம். குழந்தை பாக்கியம் தரும் ஸ்தலம். கர்ப்பிணிகள் இங்கு எண்ணெயை வயிற்றில் தடவிக்கொள்ள சுகப்பிரசவம் உண்டாகும். இத்தலத்து லிங்கத்தில் புனுகு பூசி வழிபடுவார்கள். இதற்கு புனுகு சட்டம் என்று பெயர். இந்த வழிபாடு அனைத்து தோல் நோய்களையும் நீக்கும்.

மேலும் செய்திகள்

Like Us on Facebook Dinkaran Daily News
  • 24-08-2019

    24-08-2019 இன்றைய சிறப்பு படங்கள்

  • FloatingNuclearPlant23

    ரஷ்யாவில் உருவாக்கப்பட்டுள்ள உலகின் முதல் மிதக்கும் அணு ஆயுத ஆலை: தனது முதல் பயணத்தை தொடங்கியது..!

  • robo

    பெய்ஜிங்கில் நடைபெற்ற 2019 உலக ரோபோ மாநாடு: தொழிற்துறை, பயோனிக் ரோபோ மீன் உள்ளிட்டவை காட்சிக்கு வைப்பு

  • france_modi11112

    பிரதமர் மோடி பிரான்ஸ் நாட்டிற்கு பயணம் : பிரெஞ்சு அதிபர் இமானுவேல் மக்ரோனை சந்தித்து பேசினார்

  • cleb_11_kri

    கிருஷ்ண ஜெயந்தி : நாடு முழுவதும் கொண்டாட்டங்கள் களைகட்டின

படங்கள் வீடியோ கல்வி சினிமா ஜோ‌திட‌ம்