SUN குழுமத்திலிருந்து வெளிவரும் காலை நாளிதழ்

உத்தராயண புண்ணியகால உற்சவம் கொடியேற்றத்துடன் தொடங்கியது

2019-01-07@ 14:28:45

திருவண்ணாமலை: திருவண்ணாமலை அண்ணாமலையார் கோயிலில் 10 நாட்கள் நடைபெறும் உத்தராயண புண்ணியகால உற்சவம் நேற்று காலை கொடியேற்றத்துடன் தொடங்கியது. இதில் ஏராளமான பக்தர்கள் கலந்து கொண்டு அண்ணாமலையாருக்கு அரோகரா என பக்தி முழக்கமிட்டனர்.
திருவண்ணாமலை அண்ணாமலையார் கோயிலில் ஆண்டு தோறும் உத்தராயண புண்ணியகால உற்சவம் நடைபெறுவது வழக்கம். அதன்படி இந்த ஆண்டு உத்தராயண புண்ணியகால உற்சவ கொடியேற்று விழா நேற்று நடைபெற்றது.

இதையொட்டி நேற்று அதிகாலை 3 மணியளவில் கோயில் நடை திறக்கப்பட்டு உண்ணாமுலையம்மன் சமேத அண்ணாமலையாருக்கு சிறப்பு அபிஷேக, ஆராதனை நடந்தது. அதைத் தொடர்ந்து விநாயகர், உண்ணாமுலையம்மன் சமேத அண்ணாமலையார், பராசக்தியம்மன் மேளதாளம் முழங்க  தங்க கொடிமரம் அருகே எழுந்தருளினர். அதைத்தொடர்ந்து, சிவாச்சாரியார்கள் மந்திரங்கள் உச்சரிக்க காலை 8 மணிக்கு சுவாமி சன்னதி முன் உள்ள தங்க கொடி மரத்தில் கொடியேற்றப்பட்டது.

அப்போது அங்கு கூடியிருந்த பக்தர்கள் அண்ணாமலையாருக்கு அரோகரா’ என பக்தி முழக்கமிட்டனர். இவ்விழா தொடர்ந்து 10 நாட்கள் நடைபெறும். 10 நாட்களும் காலை, இரவு சந்திரசேகரர் மாடவீதியில் மேளதாளம் முழங்க பவனி வந்து பக்தர்களுக்கு அருள்பாலிப்பார். 10ம் நாளான வருகிற 15ம் தேதி திருவண்ணாமலையில் உள்ள தாமரைக்குளத்தில் தீர்த்தவாரி நடைபெறும் என அதிகாரிகள் தெரிவித்தனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • iyesumakal11

    இயேசு கிறிஸ்துவின் சிலுவைப் பாடுகளை நினைவுகூரும் புனிதவெள்ளி இன்று அனுசரிப்பு

  • 19-04-2019

    19-04-2019 இன்றைய சிறப்பு படங்கள்

  • 18-04-2019

    18-04-2019 இன்றைய சிறப்பு படங்கள்

  • chinaautoshow

    சீனாவில் நடைபெற்ற ஆட்டோ ஷோ 2019: BMW, Mercedes-Benz நிறுவனங்களின் புதிய கார்கள் அறிமுகம்

  • thirunangai

    கூத்தாண்டவர் கோவில் சித்திரை திருவிழா...சுவாமி திருக்கண் திறக்கும் நிகழ்ச்சியில் தாலி கட்டிக்கொண்ட திருநங்கைகள்

படங்கள் வீடியோ கல்வி சினிமா ஜோ‌திட‌ம்