SUN குழுமத்திலிருந்து வெளிவரும் காலை நாளிதழ்

ஸ்ரீரங்கம் கோயிலில் பகல்பத்து 2ம் திருநாள் : பாண்டியன் கொண்டை அலங்காரத்தில் நம்பெருமாள்

2018-12-10@ 14:10:16

திருச்சி: ஸ்ரீரங்கம் ரங்கநாதர்கோயிலில் வைகுண்ட ஏகாதசிவிழாவின் பகல்பத்து 2ம்நாளான நேற்று நம்பெருமாள் பாண்டியன் கொண்டை அலங்காரத்தில் சேவை சாதித்தார். ஸ்ரீரங்கம் ரங்கநாதர் கோயிலில் கடந்த 7ம் தேதி வைகுண்ட ஏகாதசி விழா திருநெடுந்தாண்டகம் நிகழ்ச்சியுடன் துவங்கியது. பகல்பத்து திருவிழாவின் 2ம் நாள் விழாவான நேற்று நம்பெருமாள் பாண்டியன் கொண்டை அலங்காரத்தில் வைர அபயஹஸ்தம், முத்துசரம், பவளமாலை, மகாலட்சுமி பதக்கம், அரைஞான் உள்ளிட்ட திருவாபரணங்கள் அணிந்து காலை 6.30 மணிக்கு மூலஸ்தனத்தில் இருந்து புறப்பட்டு பகல்பத்து ஆஸ்தான மண்டபமான அர்ச்சுன மண்டபத்திற்கு காலை 7 மணிக்கு வந்து சேர்ந்தார்.

அதன்பின் காலை 7.45 மணிமுதல் பகல் 1 மணிவரை அரையர் சேவையுடன் பொதுமக்கள் நம்பெருமாளை தரிசனம் செய்தனர். அதனைத்தொடர்ந்து மாலை 4 மணிக்கு உபயக்கார்கள் மரியாதையுடன் நம்பெருமாள் பக்தர்களுக்கு காட்சி அளித்தார். அதன்பின் நம்பெருமாள் இரவு 7 மணிக்கு அர்ச்சுன மண்டபத்தில் இருந்து  புறப்பட்டு இரவு 9.45 மணிக்கு மூலஸ்தானம் சென்றடைந்தார். மூலவர் பெரிய பெருமாள் முத்தங்கி அலங்காரத்தில் பக்தர்களுக்கு காட்சி அளித்தார். பொதுமக்கள் மூலவரை காலை 7 மணிமுதல் மாலை 5.30மணி வரையிலும், அதன்பின் மாலை 6.45 மணிமுதல் இரவு 9 மணிவரை தரிசனம் செய்தனர். விழா ஏற்பாடுகளை கோயில் இணை ஆணையர் ஜெயராமன் உள்பட கோயில் அலுவலர்கள் மற்றும் பணியாளர்கள் செய்து இருந்தனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • annauniv

    அண்ணா பல்கலைக்கழகத்தில் சர்வதேச ஆவணப்படங்கள் விழா: கவர்னர் பன்வாரிலால் புரோகித் பங்கேற்பு

  • jammukashmir

    ஜம்மு-காஷ்மீர் பனிச்சரிவில் சிக்கியவர்களை கண்டுபிடிக்க தொடரும் மீட்புப்பணிகள்: 7 சடலங்கள் மீட்பு!

  • TulipflowerDay

    நெதர்லாந்தில் தேசிய துலிப் மலர் தினம் கோலாகலமாக கொண்டாடப்பட்டது

  • womesrally

    வுமென்ஸ் மார்ச் 2019: உலகின் பல்வேறு பகுதிகளில் பெண்கள் ஒன்று திரண்டு பேரணி

  • turkeycamelfight

    2,000 ஆண்டுகளாக நடந்து வரும் பாரம்பரிய ஒட்டகச் சண்டை: துருக்கியில் கோலாகலத்துடன் ஆரம்பம்

படங்கள் வீடியோ கல்வி சினிமா ஜோ‌திட‌ம்