தென்காசி: தென்காசி உலகம்மன் உடனுறை காசிவிசுவநாத சுவாமி கோயிலில் விவேகானந்தா கேந்திரம்  சார்பில் உலக நன்மைக்காக 1008 திருவிளக்கு பூஜை மற்றும் மாதர் மாநாடு நடந்தது. விழாவிற்கு கேந்திர தொண்டர் கிருஷ்ணமூர்த்தி தலைமை வகித்தார்.  இலஞ்சி அன்னையா பாண்டியன், கேந்திர முன்னேற்ற திட்ட செயலாளர் ஐயப்பன்  முன்னிலை வகித்தனர். கேந்திர தொண்டர் கருப்பசாமி வரவேற்றார். தெய்வானை இறைவணக்கம் பாடினார். குற்றாலம் ஐந்தருவி விவேகானந்தா ஆசிரமம்  அகிலானந்த மகராஜ் சுவாமிகள், ராமகிருஷ்ண தபோவனம் அர்ச்சரானந்த சுவாமிகள் ஆகியோர் ஆசி வழங்கினர்.

ராஜேஸ்வரி ஜூவல்லரி மகேஸ்வரி பாலசுப்பிரமணியன், சப்இன்ஸ்பெக்டர் மாரிச்செல்வி ஆகியோர் திருவிளக்கேற்றி துவக்கி வைத்தனர். ஏற்பாடுகளை கோயில் நிர்வாகத்தினர் மற்றும் கேந்திர  பொறுப்பாளர்கள் ஜானகிபுஷ்பம், சந்திரா, சரஸ்வதி, முன்னாள் கவுன்சிலர்கள்  சங்கரசுப்பிரமணியன், கருப்பசாமி, ராஜ்குமார், இசக்கிமுத்து ஆகியோர்  செய்திருந்தனர். பூஜையில் தென்காசி சுற்றுவட்டார பகுதிகளை சேர்ந்த 48  கிராமங்களை சேர்ந்த ஆயிரத்துக்கும் மேற்பட்ட பெண்கள், குழந்தைகள் கலந்து  கொண்டு பூஜைகளை நடத்தினர். கோமதிநாயகம் நன்றி கூறினார்.