SUN குழுமத்திலிருந்து வெளிவரும் காலை நாளிதழ்

சுவாமிமலை கோயிலில் கந்தசஷ்டி விழா துவக்கம் : 13ம் தேதி சூரசம்ஹாரம்

2018-11-09@ 14:16:21

கும்பகோணம்: சுவாமிமலை முருகன் கோயிலில் கந்தசஷ்டி விழா நேற்று துவங்கியது. வரும் 13ம் ேததி சூரசம்ஹாரம் நடக்கிறது.  முருகனின் ஆறுபடை வீடுகளில் நான்காவது படைவீடாக சுவாமிமலை சுவாமிநாத சுவாமி கோயில் உள்ளது. தந்தையாகிய சிவபெருமானுக்கு ஓம் எனும் பிரணவ மந்திரத்தை உபதேசம் செய்த தலமாகும். இக்கோயிலில் ஆண்டுதோறும் கந்தசஷ்டி விழா கொண்டாடப்படும். அதன்படி இவ்விழா நேற்று காலை சண்முகர் சுவாமி, நவவீரர்கள், பரிவாரங்களுடன் உற்சவ மண்டபத்தில் எழுந்தருளி துவங்கியது. இதைதொடர்ந்து 17ம் தேதி வரை காலை, மாலை இருவேளையும் சுவாமி வீதிவுலா நடக்கிறது.

விழாவின் முக்கிய நிகழ்வாக வரும் 13ம் தேதி 108 சங்காபிஷேகம், சிறப்பு தீபாராதனை, தங்கமயில் வாகனத்தில் சுவாமி புறப்பட்டு அம்பாளிடத்தில் சக்திவேல் வாங்கி சூரசம்ஹாரத்துக்கு புறப்பட்டு இரவு 8 மணிக்கு சன்னதி தெரு மற்றும் தெற்கு வீதியில் சூரசம்ஹாரம் நிகழ்ச்சி நடக்கிறது. தஞ்சை பூக்காரத்தெரு சுப்பிரமணிய சுவாமி  கோயிலில் கந்த சஷ்டி பெருவிழா விக்னேஷ்வர பூஜையுடன் நேற்று முன்தினம்  துவங்கியது. இதைதொடர்ந்து நேற்று மதியம் 12 மணிக்கு சிறப்பு அபிஷேகத்துடன்  கொடியேற்றம் நடைபெற்றது. இதில் ஏராளமான பக்தர்கள் பங்கேற்று வழிப்பட்டனர்.  

இதைதொடர்ந்து தினம்தோறும் இரவு அன்ன வாகனம், மான் வாகனம், பூத வாகனம், யானை  வாகனம், ரிஷப வாகனம், ஆடு, மயில் வாகனம், குதிரை வாகனத்தில் சுவாமி  வீதியுலா நடக்கிறது. வரும் 13ம் தேதி இரவு சூரசம்ஹாரம், 14ம் தேதி  திருக்கல்யாணம் மற்றும் முத்துப்பல்லக்கு நடக்கிறது. 17ம் தேதி தீர்த்தம்  கொடுத்தல், யாகசாலை கெடம் அபிஷேகத்துடன் கொடியிறக்கத்துடன் விழா  நிறைவடைகிறது. 18ம் தேதி சிறப்பு அபிஷேகம், ஊஞ்சல் ஏகாந்த சேவை நடக்கிறது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • HodeidahYemen

    ஏமனில் உள்நாட்டுப் போர் தீவிரம்...! ஹூடேடா துறைமுகத்தில் நடந்த சண்டையில் 61 பேர் பலி

  • PizzaGuinnessArgentina

    அர்ஜென்டினாவில் 12 மணி நேரத்தில் 11,287 பீட்சாக்களை தயாரித்து சமையல் கலைஞர்கள் கின்னஸ் சாதனை

  • JordanFloodPetra12

    ஜோர்டானில் வரலாறு காணாத கனமழையால் வெள்ளத்தில் சிக்கி 12 பேர் பலி: மீட்பு பணிகள் தீவிரம்

  • EbolaCongoAfrica200

    தீவிரமடையும் எபோலா வைரஸ்..: ஆப்பிரிக்க நாடான காங்கோவில் 200 பேர் பலி!

  • AssemblyChattisgarElection18

    சத்தீஸ்கர் மாநிலத்தில் பலத்த பாதுகாப்புடன் முதற்கட்ட தேர்தல் வாக்குப்பதிவு: ஆர்வத்துடன் வாக்களிக்கும் மக்கள்

படங்கள் வீடியோ கல்வி சினிமா ஜோ‌திட‌ம்