SUN குழுமத்திலிருந்து வெளிவரும் காலை நாளிதழ்

விநாயகர் சதுர்த்தி விழாவையொட்டி உச்சிஷ்ட விநாயகர் கோயிலில் கொடியேற்றம்

2018-09-11@ 15:23:13

நெல்லை: விநாயகர் சதுர்த்தி விழாவையொட்டி மணிமூர்த்தீஸ்வரம் உச்சிஷ்ட விநாயகர் கோயிலில் நேற்று கொடியேற்றத்துடன் விழா துவங்கியது. இவ்விழா வரும் 19ம் தேதி வரை நடக்கிறது.  விநாயகர் சதுர்த்தி விழாவையொட்டி ஆசியாவிலேயே மிக பெரிய கோயிலான மணிமூர்த்தீஸ்வரம் உச்சிஷ்ட கணபதி கோயிலில் நேற்று காலை 6 மணிக்கு மேல் விக்னேஷ்வர பூஜை, கணபதி ஹோமம், கொடி கம்பம் அபிஷேகமும், கொடியேற்றமும் நடந்தது. மாலை 5.30 மணிக்கு முதல் நாள் யாகசாலை பூஜையும், மூஷிக வாகனத்தில் திருவீதியுலாவும் சிறப்பு தீபாராதனையும் நடந்தது. இதில் திரளான பக்தர்கள் கலந்து கொண்டனர்.

2ம் நாளான இன்று இரண்டாம் யாகசாலை பூஜைகள், சிறப்பு தீபாராதனைகளும், மாலை 5.30 மணிக்கு யாகசாலை பூஜைகளும், சுவாமி சந்தன காப்பு அலங்காரமும், திருவீதியுலாவும், 12ம் தேதி காலை 8 மணிக்கு மேல் மூன்றாம் நாள் யாகசாலை பூஜையும், சிறப்பு அபிஷேகமும், தீபாராதனையும், மாலை 5.30 மணிக்கு யாகசாலை பூஜையும், வீதியுலாவும் நடக்கிறது.

நான்காம் நாளான 13ம் தேதியன்று விநாயகர் சதுர்த்தியையொட்டி அதிகாலை 4 மணிக்கு 4ம் நாள் யாகசாலை பூஜைகளும், கணபதி ஹோமமும், 6.30 மணிக்கு சிறப்பு அபிஷேகமும், தீபாராதனையும், மாலை 5.30 மணிக்கு யாகசாலை பூஜைகளும், மூலவருக்கு சிறப்பு தீபாராதனையும், வீதியுலாவும், அன்னதானமும், 14ம்தேதி முதல் 18ம் தேதி வரை யாகசாலை பூஜைகளும், சிறப்பு தீபாராதனைகளும், 19ம் தேதி காலை 5 மணிக்கு 1,008 சங்காபிஷேகமும், தாமிரபரணி ஆற்றில் தீர்த்தவாரியும், மாலை 6 மணிக்கு நிறைவு விழாவும் நடக்கிறது. விநாயகர் சதுர்த்தி நாளில் அதிகாலை 4 மணி முதல் அன்று முழுவதும் கோயில் நடை திறந்திருக்கும். ஏற்பாடுகளை கோயில் நிர்வாகம் மற்றும் விழா குழுவினர் செய்து வருகின்றனர். இது போல் நெல்லையிலுள்ள அனைத்து விநாயகர் கோயில்களில் நேற்று விழா துவங்கியது.

மேலும் செய்திகள்

Like Us on Facebook Dinkaran Daily News
  • pandacub

    உலகிலேயே குறைந்த எடையுடன் பிறந்த மிகச்சிறிய பாண்டா குட்டிகள்: சீனாவில் நிகழ்ந்த அதிசயம்

  • 17-06-2019

    17-06-2019 இன்றைய சிறப்பு படங்கள்

  • 16-06-2019

    16-06-2019 இன்றைய சிறப்பு படங்கள்

  • 15-06-2019

    15-06-2019 இன்றைய சிறப்பு படங்கள்

  • china

    சீனாவில் பாலம் சரிந்ததால் 2 வாகனங்கள் தண்ணீரில் மூழ்கியது: மூழ்கியவர்களை தேடும் பணி தீவிரம்

படங்கள் வீடியோ கல்வி சினிமா ஜோ‌திட‌ம்