SUN குழுமத்திலிருந்து வெளிவரும் காலை நாளிதழ்

அம்பை அருகே ஆவணித் திருவிழாவில் பால்குடம் ஊர்வலம்

2018-09-10@ 15:36:27

அம்பை: அம்பாசமுத்திரம் அருகே வாகைக்குளம் வாகைபதி அய்யா ஸ்ரீமன் நாராயணசாமி  ஆவணித் திருவிழாவின் 9வது நாளான நேற்று பால்குடம் சந்தன குடம் ஊர்வலம் நடந்தது.இதில் திரளானோர் பங்கேற்றனர். தேரோட்ட வைபவம் இன்று (10ம் தேதி) நடக்கிறது. வாகைகுளம் வாகைபதி அய்யா ஸ்ரீமன் நாராயணசாமி கோயிலில் ஆண்டு தோறும் ஆவணித்  திருவிழா 11 நாட்கள் சிறப்பாக நடைபெறுவது வழக்கம். இதன்படி இந்தாண்டுக்கான திருவிழா  கடந்த மாதம் 31ம் தேதி காலை கொடியேற்றத்துடன் துவங்கியது.

தொடர்ந்து திருவிழா நாட்களில் தினமும் தண்டில் வாகனம், கருட வாகனம், சிம்ம வாகனம் உள்ளிட்ட பல்வேறு வாகனங்களில் அய்யா சிறப்பு அலங்காரத்தில் வீதியுலா வந்து அன்பு கொடி மக்களுக்கு அருள் பாலித்து வருகிறார். அத்துடன் உகப்படிப்பு, உச்சிப்படிப்பு, பணிவிடை, பால் தர்மம் மற்றும் அன்ன தர்மம் நடந்து வருகிறது. 8ம் திருநாளான நேற்று முன்தின்ம்  அய்யா குதிரை வாகனத்தில் எழுந்தருளியதும் வீதியுலா நடந்தது.

9ம் திருநாளையொட்டி விரதம் இருந்த அன்பு கொடி மக்கள் பால் கிணற்றிலிருந்து செண்டை மேளம் முழங்க பால்குடம், சந்தன குடங்களை ஊர்வலமாக கோயிலுக்கு எடுத்துவந்தனர். ஊர்வலத்தில் வாகைகுளம் மற்றும் சுற்று வட்டார பக்தர்கள் திரளாகப் பங்கேற்றனர். விழாவின் சிகரமான தேரோட்ட வைபவம் இன்று (10ம் தேதி) நடக்கிறது. இதில் பல்வேறு மாவட்டங்களை சேர்ந்த அன்பு கொடி மக்கள் பங்கேற்று தேர் வடம் பிடித்து இழுக்கின்றனர். அத்துடன் சிறுமியர்களின் கோலாட்டம் உள்ளிட்ட நிகழ்ச்சிகள் இடம்பெறுகின்றன. ஏற்பாடுகளை வாகைபதி அன்பு கொடிமக்கள் செய்து வருகின்றனர்.

மேலும் செய்திகள்

Like Us on Facebook Dinkaran Daily News
  • SouravGangulyBCCI

    பிசிசிஐ அமைப்பின் 39வது தலைவராக முன்னாள் கேப்டன் சவுரவ் கங்குலி பதவியேற்பு..: புகைப்படங்கள்

  • SkyCityFireAuckland

    நியூசிலாந்தில் புதிதாக கட்டப்பட்டு வந்த மாநாடு மையத்தில் 2வது நாளாக பற்றி எரியும் தீ..: அப்பகுதி முழுவதும் கரும்புகை மூட்டம்!

  • NorthKarnatakaRain23

    கர்நாடகாவில் மீண்டும் கொட்டித் தீர்க்கும் கனமழை..: 100க்கும் மேற்பட்ட கிராமங்கள் வெள்ளத்தில் மூழ்கின

  • DiwaliPrep2k19

    நெருங்கி வரும் தீபாவளி...: விளக்குகள் தயாரிக்கும் பணிகள் தீவிரம்...பட்டாசு, பரிசுப் பொருட்கள் விற்பனை படுஜோர்!

  • DanishLightHouse

    கடலரிப்பினால் நகர்த்தி வைக்கப்படும் 120 ஆண்டுகள் பழமையான கலங்கரை விளக்கம்...: டென்மார்க்கில் ஆச்சரியம்!

படங்கள் வீடியோ கல்வி சினிமா ஜோ‌திட‌ம்