SUN குழுமத்திலிருந்து வெளிவரும் காலை நாளிதழ்

பாப்பக்காபட்டியில் பெரும் பூஜை விழா : அய்யர்மலையில் ஆயிரக்கணக்கான பக்தர்கள் பொங்கலிட்டு வழிபாடு

2018-09-05@ 14:58:15

குளித்தலை: கரூர் மாவட்டம் குளித்தலை அடுத்த பாப்பக்காப்பட்டி கிராமம் வாத்திகவுண்டனூர் கட்டையன் கூட்டத்து பங்காளிகள் சார்பில் 18 ஆண்டுகளுக்கு பிறகு அய்யர்மலை கருப்பண்ணசாமி வைரபெருமாள், பரமசிவம் பார்வதி, கட்டையன் கருப்பு, பட்டவன் சுவாமிக்கும் வாத்திக் கவுண்டனூர் மதுரைவீரன் சுவாமிக்கும் குலதெய்வங்களின் பெரும் பூஜை விழா  நடைபெற்று வருகிறது. இவ்விழாவினையொட்டி கடந்த ஆகஸ்ட் 31ம் தேதி வாத்திகவுண்டனூரில் காகம் குறி அறிதல் நிகழ்ச்சி நடைபெற்றது. நேற்று காலை சுத்த தண்ணீர் தெளித்து வாத்திகவுண்டனூரில் இருந்து ஆயிரக்கணக்கானோர் பொங்கல் பானை எடுத்து அய்யர்மலை சென்று கிடாவெட்டி பூஜை செய்தனர்.

இன்று(புதன்கிழமை) காலை கோயில் வீட்டில் இருந்து சரவணபுரம் சென்று பரமசிவன் பார்வதிக்கு பொங்கலிட்டு சுத்த பூஜை நடைபெறுகிறது. நாளை(வியாழன்) பட்டவன் குறி எடுத்து சரவணபுரம் சென்று அங்குள்ள பட்டவன் நிலைக்கு பூஜை நடைபெறுகிறது. அதனை தொடர்ந்து மாலை கோயில் வீட்டில் இருந்து புறப்பட்டு சரவணபுரம் சென்று இரவு 12 மணிக்கு கட்டையன் கருப்ப சுவாமிக்கு வாணவேடிக்கை நிகழ்ச்சி நடைபெறுகிறது.

வெள்ளிகிழமை மதுரைவீரன் சுவாமிக்கு பங்காளிகள் அனைவரும் பொங்கல் வைத்து கிடாவெட்டி பூஜை மற்றும் காது குத்துதல் நிகழ்ச்சி நடைபெறுகிறது. இரவு கோயில் முன்பு பொதுபொங்கல் நடைபெற்று படையல் வைத்து சிறப்பு பூஜை நடைபெற்று விழா முடிவடைகிறது. இவ்விழா பல ஆண்டுகளுக்கு பிறகு நடைபெறுவதால் பல்வேறு மாவட்டங்களிலிருந்து ஏராளமானோர் கலந்து கொண்டனர். விழாவிற்கான ஏற்பாட்டினை டாக்டர் பார்த்திபன், முன்னாள் ஊராட்சி தலைவர் இளங்குமரன் ஆகியோர் செய்து இருந்தனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 17-11-2018

    17-11-2018 இன்றைய சிறப்பு படங்கள்

  • 3rdthiruvanamalai

    திருவண்ணாமலை தீபத்திருவிழாவின் 3ம் நாள் உற்சவம்: பூத வாகனத்தில் சந்திரசேகரர் பவனி

  • pudukottaikaja

    கஜா புயல் எதிரொலி : புதுக்கோட்டையில் பலத்த காற்று மற்றும் கனமழையால் பாதிக்கப்பட்ட பகுதிகளின் புகைப்படங்கள்

  • NagaiGajaStorm

    நாகை மாவட்டத்தை கதிகலங்கவைத்த கஜா புயலின் ருத்ரதாண்டவம்: உருக்குலைந்து கிடக்கும் நகரம்!

  • kajarainhome

    புரட்டி போட்ட கஜா புயல் : மரங்கள், வீடுகள், மின் கம்பங்கள் சேதம்

படங்கள் வீடியோ கல்வி சினிமா ஜோ‌திட‌ம்