SUN குழுமத்திலிருந்து வெளிவரும் காலை நாளிதழ்

கிருஷ்ண ஜெயந்தியையொட்டி கூனம்பட்டியில் உறியடி திருவிழா

2018-09-03@ 14:38:03

க.பரமத்தி: கிருஷ்ண ஜெயந்தியையொட்டி கூனம்பட்டியில் நடந்த உறியடி திருவிழாவில் வழுக்குமரம் ஏறும் போட்டியில் ஏராளமான பக்தர்கள் பங்கேற்றன். க.பரமத்தி ஒன்றியம் தென்னிலைமேற்கு ஊராட்சியில் கூனம்பட்டி கண்ணபிரான் பஜனை மடம் சார்பில் கிருஷ்ண ஜெயந்தியையொட்டி ஆண்டுதோறும் உறியடி திருவிழாவில் வழுக்குமரம் ஏறும் போட்டி நடத்தப்பட்டு வருகிறது. இந்த திருவிழாவிற்காக நேற்று அதிகாலை 5 மணிக்கு உள்ளூர், வெளியூர் பக்தர்கள் பஜனை மடத்திற்கு ஏராளமனோர் வந்தனர். பிறகு வழுக்கு மரம் நடுதலுடன் திருவிழா தொடங்கியது. தொடர்ந்து கண்ணபிரானை அலங்கரித்து பல்லக்கில் வைத்து முக்கிய வீதிகள் வழியாக பக்தர்கள் வீடு வீடாக எடுத்து செல்லப்பட்டு வழிபாடு நடத்திய பிறகு மீண்டும் பஜனை மடத்தை வந்தடைந்தது.

பிறகு உறியடி திருவிழாவின் முக்கிய நிகழ்ச்சியான உறியடி மற்றும் வழுக்குமரம் ஏறும் போட்டி நடத்தப்பட்டது. இந்த திருவிழாவிற்காக உள்ளூர், வெளியூர் பக்தர்கள் தங்களது ஆண் குழந்தைகளுக்கு கண்ணன் வேடமும், பெண் குழந்தைகளுக்கு ராதை வேடமும் அணிவித்து ஊர்வலமாக வந்து திருவிழாவில் பங்கேற்றனர். தொடர்ந்து மதியம் 2 மணிக்கு கண்ணபிரானுக்கு ஊஞ்சல் பாட்டு, மகா தீபாராதனை நடத்தப்பட்டு சிறப்பு வழிபாடு நடைபெற்றது. இதில் ஏராளமான பக்தர்கள் கலந்து கொண்டு வழிபாடு செய்தனர். ஏற்பாடுகளை கூனம்பட்டி கண்ணபிரான் பஜனை மடம் விழாக்குழுவினர் மற்றும் பக்தர்கள் செய்திருந்தனர்.

மேலும் செய்திகள்

Like Us on Facebook Dinkaran Daily News
  • 20-07-2019

    20-07-2019 இன்றைய சிறப்பு படங்கள்

  • hotairballoonchina

    சீனாவில் நடைபெற்ற ராட்சத பலூன் போட்டி: சுமார் 100 பலூன்கள் ஒரே சமயத்தில் வானுயர பறந்த காட்சிகள்

  • CornwallJellyfishEncounter

    இங்கிலாந்தில் ஆளுயரத்திற்கு வளர்ந்துள்ள பிரம்மாண்டமான ஜெல்லி மீன்..: ஆச்சரியமூட்டும் புகைப்படங்கள்

  • newzealandexplosion

    எரிவாயு கசிவு காரணமாக நியூஸிலாந்தில் வீடு ஒன்று வெடித்து சிதறி தரைமட்டம்: 6 பேருக்கு படுகாயம்!

  • apollo

    புளோரிடாவில் மனிதன் நிலவில் கால்பதித்த 50-ம் ஆண்டு நிகழ்வு கொண்டாட்டம்: விண்வெளி வீரர்கள் சிலைகள் பார்வைக்கு வைப்பு

படங்கள் வீடியோ கல்வி சினிமா ஜோ‌திட‌ம்