SUN குழுமத்திலிருந்து வெளிவரும் காலை நாளிதழ்

வரகூர் வேங்கடேசபெருமாள் கோயிலில் கிருஷ்ணர் பிறப்பு நிகழ்ச்சி

2018-09-03@ 14:37:29

திருக்காட்டுப்பள்ளி: வரகூர் வேங்கடேசபெருமாள் கோயிலில் கிருஷ்ணர் பிறப்பு நிகழ்ச்சி நடந்தது. திருக்காட்டுப்பள்ளி அருகே உள்ள வரகூர் வேங்கடேச பெருமாள் கோயிலில் உறியடி திருவிழா கடந்த 27ம் தேதி துவங்கி நடந்து வருகிறது. இதில் நேற்று கிருஷ்ணன் பிறப்பை பக்தர்கள் கோலாகலமாக கொண்டாடினர். மாலையில் கிருஷ்ணரை கூடையில் வைத்து வசுதேவர் யசோதாவிடம் கொண்டு செல்லும் நிகழ்ச்சியை நினைவு கூறும் வகையில் குழந்தைக்கு கிருஷ்ணர் வேடமிட்டு கூடையில் வைத்து பக்தர்கள் தூக்கி சென்றனர். பெண் குழந்தைகள் கோலாட்ட நடனமிட்டும், பக்தர்கள் நாமாவளி பாடியபடியும் சிவன் கோயிலில் இருந்து பெருமாள் கோயில் வரை வீதியுலா வந்தனர்.

பின்னர் கோயில் வளாகத்தில் டாக்டர் கிருஷ்ணமூர்த்தி சாஸ்திரிகளின் ஸ்ரீகிருஷ்ண ஜனனம் உபன்யாசம் நடந்தது. விழாவின் சிறப்பு அம்சமான உறியடி திருவிழா இன்று நடக்கிறது. இதேபோல் விஷ்ணம்பேட்டை வேணுகோபால சுவாமி கோயிலில் நடைபெறும் கிருஷ்ண ஜன்மாஷ்டமி விழாவில் நேற்றிரவு ஸ்ரீகிருஷ்ண ஜனனம் உபன்யாசம், திவ்யநாம பஜனை டோலோத்சவம் நடந்தது. இன்று உறியடி திருவிழா நடக்கிறது. இதேபோல் இளங்காடு கண்ணன் கோயிலில் நேற்றிரவு கண்ணனின் “இராச லீலை” குறித்து ஸ்ரீரங்கம் திவ்ய கிருஷ்ணதாசனின் சொற்பொழிவு, வடக்கிப்பட்டி ஆண்டாள் கோலாட்ட குழுவினரின் நிகழ்ச்சி நடந்தது. இன்று உறியடி திருவிழா நடக்கிறது.

மேலும் செய்திகள்

Like Us on Facebook Dinkaran Daily News
  • newyork

    நியூயார்க்கில் 25 மாடி கட்டிடங்களுக்கு இடையே கட்டப்பட்ட கயிற்றில் நடந்து சாகசம்: ஆச்சர்யத்தில் மக்கள்!

  • singaporebirds

    சிங்கப்பூரில் பறவைகளுக்கான பாடும் போட்டி: மனிதர்கள் பாடுவதை போன்று பிரதிபலித்த மெர்பொக் புறாக்களின் இசை

  • turkey

    துருக்கியில் மேயர் பதவிக்காக நடந்த மறுதேர்தலில் எதிர்க்கட்சி வேட்பாளர் வெற்றி: உற்சாக வரவேற்பு அளித்த மக்கள்

  • climate

    ஜெர்மனியில் பருவநிலை மாறுபாட்டை கண்டித்து நிலக்கரி சுரங்கத்தை முற்றுகையிட்ட போராளிகள்!

  • 25-06-2019

    25-06-2019 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்