என்னென்ன தேவை?

அரிசி - 1 கப்,
கசகசா, வெள்ளரி விதை - தலா 1/4 கப்.
கடுகு - 1/2 டீஸ்பூன்,
கடலைப்பருப்பு, உளுத்தம்பருப்பு - தலா 1 டீஸ்பூன்,
கிள்ளிய காய்ந்தமிளகாய் - 4,
கறிவேப்பிலை, வேர்க்கடலை - சிறிது,
எண்ணெய் - 2 டேபிள்ஸ்பூன்,
உப்பு - தேவைக்கு.

எப்படிச் செய்வது?

அரிசியை உதிர் உதிராக சாதமாக வடித்துக் கொள்ளவும். கசகசாவை சுத்தப்படுத்தி சிவக்க வறுத்து பொடி செய்து கொள்ளவும். கடாயில் எண்ணெயை  காயவைத்து தாளிக்க கொடுத்த பொருட்களை தாளித்து கடைசியில் வெள்ளரி விதையை சேர்த்து சிறிது வதக்கி, சாதத்தை சேர்க்கவும். பிறகு உப்பு,  கசகசா பொடி சேர்த்து கலந்து இறக்கவும்.