SUN குழுமத்திலிருந்து வெளிவரும் காலை நாளிதழ்

மீனாட்சி அம்மன் கோயிலில் ஆடி முளைக்கொட்டு திருவிழா : ஜூலை 15ல் கொடியேற்றம்

2018-07-12@ 15:00:56

மதுரை: மதுரை மீனாட்சி அம்மன் கோயிலில் ஆடி முளைக்கொட்டு திருவிழா வரும் 15ம் தேதி கொடியேற்றத்துடன் தொடங்கி 10 நாட்கள் நடைபெறுகிறது. ‘ஆடிப்பட்டம் தேடி விதை’ என்ற ஆன்றோர் வாக்கின்படி தமிழக விவசாயப் பெருமக்கள் ஆடி மாதத்தில் விதை விதைத்து நாற்று நட்டு விவசாயப் பணிகளை மேற்கொள்வர். அவர்கள் தங்கள் விளை நிலங்களில் பயிர்கள் அமோக விளைச்சல் வேண்டி முளைக்கட்டு வைத்து இறைவனை வழிபடுவர். ஆடி முளைக் கொட்டுத் திருவிழாவில் அம்மன் சந்நிதி முன்னுள்ள கொடிமரத்தில் கொடியேற்றப்பட்டு 10 நாட்கள் ஜூலை 14ம் தேதி முதல் 24ம் தேதி வரை திருவிழா நடைபெறும்.

இதில் மீனாட்சி அம்மன் பஞ்சமூர்திகளுடன் காலை, மாலை ஆகிய நேரங்களில் ஆடி வீதியில் சிறப்பு நாதஸ்வர, தவில் இன்னிசையுடன் பல்வேறு வாகனங்களில் எழுந்தருளி திருஉலா வருவர். நாதஸ்வர கலைஞர்கள் கொட்டுமேளம் எனும் சிறப்பு இன்னிசை மீட்டு அம்மனை ஊர்வலமாகக் கொண்டு செல்வர். ஏழாம் திருநாள் அன்று இரவு திருவீதியுலா முடிந்த பின் உற்சவர் சந்நிதியில் அம்மன், சுவாமி மாலை மாற்றும் வைபவம் நடைபெறும்.

விவசாயம் வளம் பெறவும், நாடு செழிக்கவும் வகை செய்யும் ஐதீகத்தில் அமைந்ததே இந்த ஆடி முளைக்கொட்டுத் திருவிழாவாகும். இதற்கான ஏற்பாடுகளை கோயில் இணை கமிஷனர் நடராஜன் மற்றும் பணியாளர்கள் செய்து வருகின்றனர். விழாவை முன்னிட்டு ஜூலை 14ம் தேதி முதல் 24ம் தேதி வரை மீனாட்சி அம்மனுக்கு தங்கரத உலா, உபய திருக்கல்யாணம் போன்ற சேவைகள் பதிவு செய்து நடத்திட இயலாது என கோவில் நிர்வாகத்தினர் தெரிவித்துள்ளனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • mahipoornima

    கும்பமேளாவில் மகி பூர்ணிமா கோலாகலம் : கங்கைக்கு திரண்டு வந்து புனித நீராடிய பக்தர்கள்

  • AeroShowBangalore19

    பெங்களூருவில் ஆசியாவின் மிகப்பெரிய ஏர் ஷோ: ரஃபேல் உள்ளிட்ட கண்கவர் விமானங்கள் சாகசம்

  • ChennaiMarinaMaasiMagam

    மாசி மகத்தை முன்னிட்டு சென்னை மெரினா கடற்கரையில் நடைபெற்ற தீர்த்தவாரி நிகழ்ச்சியின் புகைப்படங்கள்

  • AlbinoTurtleheart

    உடலின் வெளிப்புறத்தில் இதயத்துடன் பிறந்துள்ள அபூர்வ வெள்ளை ஆமை: ஆச்சரியத்தில் ஆராய்ச்சியாளர்கள்!

  • ModiSalmanDelhi

    சவுதி அரேபிய பட்டத்து இளவரசர் இந்தியா வருகை...நேரில் சென்று வரவேற்ற பிரதமர் மோடி: புகைப்படங்கள்

படங்கள் வீடியோ கல்வி சினிமா ஜோ‌திட‌ம்