SUN குழுமத்திலிருந்து வெளிவரும் காலை நாளிதழ்

அரவக்குறிச்சி பள்ளபட்டி மகான் ஷேக் அப்துல் காதிர் தர்காவில் சந்தனக்கூடு விழா

2018-07-04@ 15:04:05

அரவக்குறிச்சி: அரவக்குறிச்சியை அடுத்த பள்ளபட்டி மகான் ஷேக் அப்துல் காதிர் வலியுல்லா தர்காவில்  258ம் ஆண்டு சந்தனகூடு என்னும் உரூஸ் விழா நடைபெற்றது. அரவக்குறிச்சி அடுத்த பள்ளபட்டி மேற்கே ஈத்ஹா மைதானத்தில் அமைந்துள்ளது  மஹான் ஷேக் அப்துல் காதிர் வலியுல்லாஹ் தர்கா. இங்கு ஆண்டு தோறும் உரூஸ் விழா சிறப்பாக நடைபெறும். இந்த ஆண்டு 3 நாட்களுக்கு முன் பூக்கள் அலங்காரத்துடன் வாசக மாலை என்னும் ஊர்வலத்துடன் மஹான் ஷேக் அப்துல் காதிர் வலியுல்லாவின் சந்தனகூடு என்னும் உரூஸ் விழா துவங்கியது. அதனை தொடர்ந்து ஒவ்வொரு நாளும் தர்காவில் மவ்லூது சரீப் ஓதி தப்ரூக் வழங்கப்பட்டது. இரண்டாம் நாள் மற்றும் 3ம் நாள் அதிகாலையில் சந்தனக்கூடு ஊர்வலமாக எடுத்து செல்லப்பட்டது.

சந்தனக்கூடு தர்கா வளாகம் அமைந்துள்ள ஊரின் மேற்கு பகுதியிலிருந்து ஊர்வலமாக புறப்பட்டு தெற்கு தெரு வழியாக சின்னக்கடை வீதி ஜம் ஜம் கார்னரில் பூக்களால் அலங்கரிக்கப்பட்ட பூப்பந்தல் வந்தடைந்தது. அங்கு துஆ ஓதிய பிறகு அங்கிருந்து ஊர்வலமாக சென்று சொட்டல்  பெரிய கடை வீதி, புது சாயபு தெருக்கள் வழியாக சென்று உரூஸ் வளாகத்தில் உள்ள சந்தனக்கூடு அமைவிடமான தர்கா வளாகம் சென்றடைந்தது. விழாவை முன்னிட்டு தர்கா வளாகம் முழுவதும் வண்ண விளக்குகளால் அலங்கரிக்கப்பட்டிருந்தது. பள்ளபட்டியைச் சேர்ந்த ஏராளமான இஸ்லாமியர்கள் தமிழகத்தின் பல்வேறு மாவட்டங்களிலும், டெல்லி, சூரத், மும்பை, நாசிக் உள்பட பல்வேறு வடமாநிலங்களிலும் பல்வேறு தொழில் செய்து வருகின்றனர். இவர்கள் ஒவ்வொரு வருடமும்  உரூஸ் விழாவின் போது செந்த ஊர் வருவது வழக்கம். இந்த ஆண்டும் பள்ளபட்டியை சேர்ந்த ஏராளமானவர்கள் உரூஸ் விழா கொண்டாட ஊருக்கு வந்திருந்தனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • HodeidahYemen

    ஏமனில் உள்நாட்டுப் போர் தீவிரம்...! ஹூடேடா துறைமுகத்தில் நடந்த சண்டையில் 61 பேர் பலி

  • PizzaGuinnessArgentina

    அர்ஜென்டினாவில் 12 மணி நேரத்தில் 11,287 பீட்சாக்களை தயாரித்து சமையல் கலைஞர்கள் கின்னஸ் சாதனை

  • JordanFloodPetra12

    ஜோர்டானில் வரலாறு காணாத கனமழையால் வெள்ளத்தில் சிக்கி 12 பேர் பலி: மீட்பு பணிகள் தீவிரம்

  • EbolaCongoAfrica200

    தீவிரமடையும் எபோலா வைரஸ்..: ஆப்பிரிக்க நாடான காங்கோவில் 200 பேர் பலி!

  • AssemblyChattisgarElection18

    சத்தீஸ்கர் மாநிலத்தில் பலத்த பாதுகாப்புடன் முதற்கட்ட தேர்தல் வாக்குப்பதிவு: ஆர்வத்துடன் வாக்களிக்கும் மக்கள்

படங்கள் வீடியோ கல்வி சினிமா ஜோ‌திட‌ம்